Prabhu Deva: టాలీవుడ్‌ గురించి ప్రభుదేవా కామెంట్స్‌ వైరల్!

ప్రభుదేవాను అందరూ ఇండియన్‌ మైఖేల్‌ జాక్స్‌న్‌ అంటారు. మైఖేల్‌లా వంటిని స్ప్రింగ్‌లా తిప్పేస్తుంటాడు, దానికితోడు ఆయనలోని ఈజ్‌ ఈయనలో కనిపిస్తోంది కాబట్టి అలా అంటారు. అయితే ఆయన డ్యాన్స్‌ను ఈ మధ్య కాలంలో అప్పుడప్పుడు చేస్తున్నారు, చేయిస్తున్నారు. ఈ విషయం పక్కనపెడితే ఆయనలో అద్భుతమైన నటుడు ఉన్నాడనే విషయం మీకు తెలిసే ఉంటుంది. గతంలో చాలా సినిమాల్లో నటించి మెప్పించారు కూడా. తాజాగా ఆయన ‘మై డియర్‌ భూతం’ అనే సినిమా చేస్తున్నారు. ఈ సినిమా ప్రచారంలో భాగంగా ప్రభుదేవా టాలీవుడ్‌పై ఆసక్తికర వ్యాఖ్యలు చేశారు.

టాలీవుడ్‌ నాకు హోం గ్రౌండ్‌ లాంటిది.. అంటూ తెలుగు చలన చిత్ర పరిశ్రమను ఆకాశానికెత్తేశారు ప్రభుదేవా. యాక్సిడెంటల్‌గా జరిగినా ఆయన తొలిసారి డ్యాన్స్‌ కొరియోగ్రఫీ చేసిన సినిమా ‘జగదేక వీరుడు అతిలోక సుందరి’. చిరంజీవి – శ్రీదేవికి తొలిసారి మాస్టర్‌గా స్టెప్పులు వేయించారు. ఆ తర్వాత ఎన్ని భాషల్లో సినిమాలు చేసినా టాలీవుడ్‌ను ఎప్పుడూ మరచిపోలేదు. అంతెందుకు ఆయన దర్శకత్వం వహించిన తొలి సినిమా కూడా తెలుగే. ‘నువ్వొస్తానంటే నేనొద్దంటానా’నే ఆయన తొలి చిత్రం.

ఆ రోజుల్ని గుర్తుకు తెచ్చుకుంటూ ప్రభుదేవా ‘మై డియర్‌ భూతం’ ఈవెంట్‌లో మాట్లాడారు. ‘‘నన్ను, నా కెరీర్‌ను పైకి తీసుకొచ్చింది తెలుగు చిత్రసీమే అని చెప్పాలి. ఇప్పుడు నా సినిమా తెలుగు ప్రేక్షకుల ముందుకొస్తుండడం ఆనందంగా ఉంది. మా బృందం అంతా కష్టపడి ఓ మంచి సినిమాని రూపొందించింది. ఈ సినిమా తప్పకుండా అందరినీ అలరిస్తుందనే నమ్మకం ఉంది’’ అని చెప్పారు ప్రభుదేవా. ‘మై డియర్‌ భూతం’ సినిమాను ఈ నెల 15న విడుదల చేస్తున్నారు.

2012లో ‘రౌడీ రాథోడ్‌’తో బాలీవుడ్‌కి వెళ్లిపోయిన ప్రభుదేవా అక్కడే వరుసగా సినిమాలు చేస్తూ ఉన్నారు. అయితే ఇటీవల కాలంలో అక్కడ కూడా హిట్లు లేవు. ఇప్పుడు మరో సినిమా ప్లాన్‌లో ఉన్నారని టాక్‌. మరోవైపు ఇటీవల చిరంజీవి ‘గాడ్‌ఫాదర్‌’ సినిమాలో ఓ పాటకు కొరియోగ్రఫీ చేశారు. దసరా సందర్భంగా ఆ సినిమాను విడుదల చేస్తారు.

ఫస్ట్ హాఫ్ లో భారీ నుండి అతి భారీగా ప్లాప్ అయిన 15 సినిమాల లిస్ట్..!

Most Recommended Video

టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!