సునీల్ సినిమాలో ప్రకాశ్ రాజ్..!

భాష, ప్రాంతాలతో నిమిత్తం లేకుండా పాతికేళ్లుగా సినీ ప్రయాణం సాగిస్తున్న బాటసారి ప్రకాశ్ రాజ్. నటుడిగా ఆయన గురించి నేడు ప్రత్యేకించి చెప్పాల్సిందేమీ లేదు. తండ్రి, విలన్… ఇలా ఏ పాత్రకైనా సమర్ధులైన అతికొద్దిమంది నటుల్లో ప్రకాశ్ రాజ్ ఒకరు. ఇదివరకటితో పోలిస్తే ఆయన సినిమాల సంఖ్య కాస్త తగ్గిందన్న మాట వినబడుతోందిప్పుడు. ఇలాంటి సమయంలో సునీల్ హీరోగా నటిస్తున్న ఓ సినిమాలో ప్రకాశ్ రాజ్ భాగం కానుండడం విశేషం.పాతికేళ్ల సుదీర్ఘ ప్రయాణం సాగిస్తున్న ప్రకాశ్ రాజ్ ఇటీవలి కాలంలో దర్శకుడిగా, నిర్మాతగా సినిమాలు చేస్తున్నారు. దీనివల్ల ఆయన కొన్ని పాత్రలకు దూరమవుతూ వస్తున్నారు.

ఇటు సునీల్ హీరోగా సోలో హిట్ కొట్టేందుకు చేస్తున్న పోరాటం ‘ఘజనీ మొహమ్మద్’ని గుర్తుకుతెస్తోంది. ఈ పరిస్థితులలో సునీల్ సినిమాలో ప్రకాశ్ రాజ్ నటించడం కొందరికి ఆశ్చర్యంగా ఉన్నా దర్శకుడు మీద ఉన్న నమ్మకంతో ఆయన ఈ పాత్ర ఒప్పుకున్నారని తెలుస్తోంది. ఓనమాలు, మళ్ళీ మళ్ళీ ఇది రానిరోజు సినిమాలతో తనదైన బాటను ఏర్పరుచుకున్న క్రాంతి మాధవ్ సునీల్ హీరోగా ఓ సినిమా చేస్తోన్న సంగతి తెలిసిందే. ‘ఉంగరాల రాంబాబు’ పేరుతో రూపొందుతున్న ఈ సినిమాలో హీరోయిన్ తండ్రిగా ప్రకాశ్ రాజ్ కీలక పాత్ర పోషించనున్నారట. ఆ పాత్రకి తగ్గ భావోద్వేగాలు పండించగలిగేది ప్రకాశ్ రాజ్ మాత్రమే అని భావించిన దర్శకుడు కథ, పాత్ర వివరించడంతో ప్రకాశ్ రాజ్ ‘ఎస్’ చెప్పారట. ఈ కథతోనైనా సునీల్ కి ఓ హిట్ పడుతుందేమో చూడాలి.

https://www.youtube.com/watch?v=lPjXO3I_sws