టాలీవుడ్‌లో శిష్యుల్ని దర్శకులుగా చేసే దర్శకుల్లో రీసెంట్‌గా ఎక్కువగా వినిపిస్తున్న పేరు సుకుమార్‌. తన దగ్గర సహాయ దర్శకులుగా, దర్శకత్వం టీమ్‌లో పని చేసినవాళ్లలో ఎక్కువమందిని ప్రోత్సహిస్తున్నారు. తన కథల్ని వాళ్లకు ఇచ్చిన దర్శకులుగా మారుస్తున్నారు. లేదంటే వాళ్లే సొంత కథలతో సినిమా చేద్దాం అనుకుంటే.. వాళ్లకు సూచనలు, సలహాలు ఇస్తుంటారు. ఇప్పుడు ప్రశాంత్‌ నీల్‌ కూడా అదేపని చేస్తున్నారా? అవుననే అనిపిస్తోంది. అంతేకాదు తన వాళ్లకు మంచి సినిమా పడేలా కూడా చేస్తున్నారట.
‘కేజీయఫ్‌’ సిరీస్‌ సినిమాలతో దర్శకుడు ప్రశాంత్‌ నీల్‌ జాతీయ స్థాయిలో ఆదరణ సంపాదించుకున్నారు. ప్రస్తుతం ప్రభాస్‌తో ‘సలార్‌’ సినిమా తెరకెక్కిస్తున్నారు. ఇది సినిమానా సిరీసా అనేది త్వరలో తెలుస్తుంది. ఆ విషయం పక్కనపెడితే.. ఈ సినిమాతోపాటు మరో మరో ప్రాజెక్ట్‌ పట్టాలెక్కించినట్లు సమాచారం. అయితే ఆ సినిమాకు ప్రశాంత్‌ కేవలం రచయిత మాత్రమేనట. అంటే కథ, స్క్రీన్‌ప్లే మాత్రమే అందిస్తున్నారని సమాచారం. ‘కేజీయఫ్‌’ సినిమాలు, ‘కాంతార’ తదితర చిత్రాలతో మంచి పేరు, వసూళ్లు తెచ్చుకున్న హోంబలే ఫిల్మ్స్‌ ఈ సినిమా రూపొందిస్తోందట.
ఈ సినిమాకు ప్రశాంత్‌ నీల్‌ శిష్యుడు ఒకరు దర్శకత్వం వహిస్తున్నారట. అంతేకాదు ఇదొక నాయికా ప్రాధాన్య చిత్రమని సమాచారం. మరోవైపు ఈ సినిమా పాన్‌ ఇండియా మూవీ అని అంటున్నారు. దీని కోసం మెయిన్‌ లీడ్‌గా దీపిక పడుకొణెను కాంటాక్ట్‌ అవ్వాలని అనుకుంటున్నారట. ఇక్కడివరకు ఒకవంతు అయితే.. ఈ సినిమాలో మరో ప్రధాన పాత్రలో ఆదర్శ్‌ బాలకృష్ణ కనిపించనున్నారట. ప్రశాంత్‌ నీల్‌కు ఆదర్శ్‌ బాలకృష్ణ కజిన్‌ అనే సంగతి తెలిసిందే. ఇక్కడో విషయం ఏంటంటే..
ఇటీవల ఈ సినిమా తొలి షెడ్యూల్‌ పూర్తయిందని అంటున్నారు. అంతా సిద్ధం చేసి వచ్చే ఏడాది సినిమాను విడుదల చేసే ఆలోచనలో ఉన్నారని సమాచారం. ఈ మేరకు ఏర్పాట్లు వేగంగా సాగుతున్నాయి. సినిమాకు సంబంధించిన వివరాలు ‘సలార్‌’ ప్రచారంలో ఇంకొంచెం తెలిసే అవకాశం ఉంది అంటున్నారు. ఈ సినిమాతో పాటు ఆ సినిమా టీజర్‌ కూడా రావొచ్చు అని కూడా అంటున్నారు.
రావణాసుర సినిమా రివ్యూ & రేటింగ్!
మీటర్ సినిమా రివ్యూ & రేటింగ్!
ఇప్పటివరకు ఎవరు చూడని రష్మిక రేర్ పిక్స్!
నేషనల్ అవార్డ్స్ అందుకున్న 10 మంది హీరోయిన్లు వీళ్లే..!
Home