ప్రముఖ దర్శకుడు రాజమౌళిని కొందరు అభిమానులు ముద్దుగా దర్శకధీరుడు అని, ఇంకొందరు అభిమానులు జక్కన్న పిలుచుకుంటారు. ఆయన సినిమా వసూళ్లు భారీ తనం చూసిన… బ్లాక్బస్టర్ దర్శకుడు అని కూడా అంటుంటారు. అయితే ప్రశాంత్ నీల్ మాత్రం రాజమౌళిని మరో పేరు ఇచ్చారు. ఇప్పుడు ఆయన కామెంట్లు, ఆ పేరు వైరల్గా మారాయి. అంతగా ఏమన్నారు అనుకుంటున్నారా?…‘కాంట్రాక్టర్’. ఇదేం పేరు అని డౌటా? అయితే ఈ వార్త చదివేయండి. ‘కేజీయఫ్ 2’ సినిమా ప్రచారం కోసం ప్రశాంత్ నీల్ ఇప్పుడు ప్రేక్షకుల్ని వరుసగా కలుస్తూ వస్తున్నారు.
ఇటీవల అలా ప్రీ రిలీజ్ ఈవెంట్లో మాట్లాడుతూ ఈ ‘కాంట్రాక్టర్’ వ్యాఖ్యలు చేశారు. ‘బాహుబలి’ సినిమాతో పాన్ ఇండియా సినిమాగా దక్షిణాది సినిమా మారడానికి రాజమౌళి ట వేస్తే… ‘కేజీయఫ్’తో ప్రశాంత్ నీల్ దాన్ని ఏకంగా హైవేగా మార్చేశారు అని చెప్పొచ్చు. ఈ కాన్సెప్ట్లోనే ప్రశాంత్ నీల్.. రాజమౌళిని కాంట్రాక్టర్ అని అన్నారు. ‘‘చిన్న గల్లీ లాంటి పాన్ ఇండియా సినిమాని.. ఎనిమిది రోడ్ల హైవేగా మార్చేసింది రాజమౌళినే.
ఆయన డైరెక్టర్ కాదు, కాంట్రాక్టర్. దక్షిణాది సినిమాకు దేశవ్యాప్తంగా ఇంత గుర్తింపు వచ్చిందంటే రాజమౌళినే కారణం. ఆయనే నాకు అతి పెద్ద స్ఫూర్తి” అంటూ రాజమౌళిని ఆకాశానికెత్తేశారు ప్రశాంత్ నీల్. దీంతో ప్రశాంత్ నీల్ అన్న మాటలు సోషల్ మీడియాలో వైరల్గా మారిపోయాయి. ‘ఆర్ఆర్ఆర్’తో మన సౌత్ సినిమా సత్తాను మరోసారి దేశవ్యాప్తంగా చాటారు రాజమౌళి. ఇప్పుడు దాన్ని డబుల్ చేయడానికి ‘కేజీయఫ్ 2’తో ఏప్రిల్ 14న యశ్ – ప్రశాంత్ నీల్ వస్తున్నారు.
‘కేజీయఫ్ 2’లో స్టార్లు నటించడం గురించి కూడా ప్రశాంత్ నీల్ స్పందించారు. తొలి ‘కేజీయఫ్’లో పెద్దగా స్టార్లు లేరు కానీ పార్ట్ 2లో సంజయ్ దత్, రవీనా టాండన్, ప్రకాష్ రాజ్, రావు రమేష్ లాంటి పెద్ద పెద్ద నటుల్ని తీసుకొచ్చారు ప్రశాంత్ నీల్. సినిమా నటించిన వాళ్లు స్టార్లే కావొచ్చు. కానీ నాకు పాత్రలే. ఆయా పాత్రలకు అనుగుణంగానే వాళ్లను ఎంచుకున్నా అని చెప్పారు ప్రశాంత్ నీల్.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
