‘కేజీఎఫ్‌’ సినిమా వెండితెరపై చూసినప్పుడు, అందులో హీరో యశ్‌కు దర్శకుడు ప్రశాంత్ నీల్ ఇచ్చిన ఎలివేషన్లు చూసినప్పుడు సగటు సినిమా అభిమానికి గూస్‌బంప్స్‌ వచ్చుంటాయి. మా అభిమాన హీరోకు ఇలాంటి ఎలివేషన్లు పడితే ఇంకా అదిరిపోతుంది అని అనుకున్నారు. ఫ్యాన్స్‌, ప్రేక్షకులే ఇలా అనుకుంటే… హీరోలు, నిర్మాతలు ఎలా అనుకొని ఉంటారు చెప్పండి. అందుకే ప్రశాంత్‌తో సినిమాలు చేయాలని ఫిక్స్‌ అయిపోయారు. ‘కేజీఎఫ్‌ 2’ అయిపోగానే ప్రభాస్‌తో ‘సలార్‌’ సెట్‌ అయిపోయింది. అయితే ప్రశాంత్ జోరు చూస్తుంటే.. ఇంత త్వరగా ఆయన టాలీవుడ్ ఇన్నింగ్స్‌ అయ్యేలా కనిపించడం లేదు.
‘సలార్‌’ తర్వాత ప్రశాంత్ నీల్ కన్నడలో పునీత్‌ రాజ్‌కుమార్‌తో ఓ సినిమా చేస్తారట. ఆ తర్వాత మళ్లీ టాలీవుడ్ వచ్చేస్తారని సమాచారం. అలా వచ్చాక ప్రశాంత్ ఇక్కడ వరుస సినిమాలు చేస్తారని తెలుస్తోంది. మైత్రీ మూవీ మేకర్స్‌, ఎన్టీఆర్‌ సినిమాకు ప్రశాంత్ నీల్ దర్శకుడని ఇటీవల ప్రకటించారు. ఎన్టీఆర్‌ – కొరటాల శివ సినిమా తర్వాత ప్రశాంత్ నీల్ సినిమా ఉంటుందని సమాచారం. ఆ వెంటనే మన హీరోలు వరుస కట్టారట.
అల్లు అరవింద్‌తో ఆ మధ్య ప్రశాంత్ నీల్ టీమ్ సమావేశమైంది. సాధారణ మీటింగ్‌ అని ఇరు వర్గాల సన్నిహితులు చెప్పినా… అల్లు అర్జున్‌తో సినిమా కోసమే ఆ కలయిక అని అంటున్నారు. దీంతో బన్నీతో సినిమా పక్కా. ఆ వెంటనే రామ్‌చరణ్‌ కూడా ప్రశాంత్ నీల్‌పై కన్నేశాడు. చాలా రోజుల నుండి చర్చలు జరుగుతున్నాయట. మరోవైపు మహేష్‌బాబు కూడా ప్రశాంత్‌తో కలసి పని చేయాలని చూస్తున్నాడట. ఇదంతా చూస్తుంటే ఓ రెండేళ్ల వరకు ప్రశాంత్ టాలీవుడ్ వదిలే పరిస్థితే కనిపించడం లేదు.
Most Recommended Video
10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!
