రామ్ కు అద్భుతమైన కథ రెడీ చేసిన ప్రవీణ్ సత్తారు..!

పిఎస్‌వి గరుడ వేగ సినిమాతో ప్రవీణ్ సత్తారు (Praveen Sattaru) టాక్ ఆఫ్ ది టాలీవుడ్ అయ్యారు. హిట్ లేక ఇబ్బంది పడుతున్న డాక్టర్ రాజశేఖర్ కి మంచి హిట్ ని ఇవ్వడంతో ప్రవీణ్ పై మంచి ఇంప్రెషన్ ఏర్పడింది. మా కోసం మంచి కథ రెడీ చేయమని స్టార్ హీరోలు సైతం ఫోన్ చేసి మరీ అడిగారు. అయితే ఈ డైరక్టెర్ ఎనర్జిటిక్ హీరో రామ్ కి ఓ స్పెషల్ స్టోరీ రెడీ చేశారు. ఉన్నది ఒకటే జిందగీ సినిమాతో ఆకట్టుకున్న రామ్‌కి ప్రవీణ్ చెప్పిన కథ బాగా నచ్చిందంట.

వెంటనే గ్రీన్ సిగ్నల్ కూడా ఇచ్చినట్లు సమాచారం. ప్రస్తుతం త్రినాథ్ రావు నక్కిన దర్శకత్వం‍లో నటించేందుకు రామ్ సిద్ధం అవుతున్నారు. దిల్ రాజు ప్రొడక్షన్ లో నిర్మితం కానున్న ఈ సినిమా ఈనెలలో రెగ్యులర్‌ షూటింగ్ కి వెళ్లనుంది. ఈ సినిమా పూర్తయిన వెంటనే ప్రవీణ్‌ సత్తారు దర్శకత్వంలో సినిమాని పట్టాలెక్కించనున్నారు. భవ్యక్రియేషన్‌ బ్యానర్ లో నిర్మితం కానున్న ఈ మూవీ గురించి త్వరలో అధికారిక ప్రకటన వెలువడనుంది.