ఈ మధ్య కాలంలో చిన్న మూవీగా విడుదలై కలెక్షన్ల పరంగా ప్రేమలు (Premalu) మూవీ పెద్ద హిట్ గా నిలిచిందనే సంగతి తెలిసిందే. ప్రేమలు సినిమాలో హీరోయిన్ గా నటించిన మమితా బైజుకు (Mamitha Baiju) ఊహించని స్థాయిలో ఫ్యాన్ ఫాలోయింగ్ ఉంది. ప్రేమలు సినిమాకు 30 లక్షల రూపాయలు పారితోషికంగా తీసుకున్న ఈ బ్యూటీ ప్రేమలు సక్సెస్ తో పారితోషికం పెంచేశారని సమాచారం అందుతుండటం గమనార్హం. ప్రస్తుతం ఈ బ్యూటీ రెమ్యునరేషన్ 50 లక్షల రూపాయలకు పెరిగిందని భోగట్టా.
భవిష్యత్తు ప్రాజెక్ట్ లు సక్సెస్ సాధిస్తే మమితా బైజు పారితోషికం మరింత పెరిగే అవకాశం అయితే ఉంటుంది. ఈ బ్యూటీ తమిళ్ లో నటించిన రెబల్ మూవీ త్వరలో విడుదల కానుంది. మమితా బైజు వయస్సు 22 సంవత్సరాలు కాగా ప్రస్తుతం ఈ బ్యూటీ పేరు సోషల్ మీడియా వేదికగా తెగ మారుమ్రోగుతోంది. 2017 సంవత్సరంలో నటిగా మమితా బైజు కెరీర్ మొదలైంది. దీపం ఉండగానే ఇల్లు చక్కబెట్టుకోవాలనే సామెతను మమితా బైజు ఫాలో అవుతున్నారని నెటిజన్లు కామెంట్లు చేస్తున్నారు.
మమితా బైజు డ్యాన్స్ వీడియోలు సైతం నెట్టింట వైరల్ అవుతుండగా ఆమె డ్యాన్సింగ్ స్కిల్స్ కు నెటిజన్లు ఫిదా అవుతున్నారు. సాయిపల్లవిలా ఈమె కూడా డ్యాన్స్ విషయంలో అదరగొడతారని కామెంట్లు వ్యక్తమవుతున్నాయి. మమితా బైజు విష్ణు విశాల్ కు జోడీగా ఒక సినిమాలో నటిస్తున్నారు. తెలుగులో కూడా ఈ బ్యూటీకి ఎక్కువ సంఖ్యలో సినిమా ఆఫర్లు వస్తున్నాయని తెలుస్తోంది. మమితా బైజు సోషల్ మీడియాలో సైతం ఫ్యాన్ ఫాలోయింగ్ ను పెంచుకుంటున్నారు.
టాలీవుడ్ ఇండస్ట్రీలోని చాలామంది హీరోలకు జోడీగా నటించడానికి మమితా బైజుకు ఆఫర్లు వస్తున్నాయి. ఆ ఆఫర్ల విషయంలో మమితా బైజు ఎలా వ్యవహరిస్తారో చూడాల్సి ఉంది. మమితా బైజు కెరీర్ విషయంలో ఆచితూచి అడుగులు వేస్తున్నారు.
విజయ్ కారు ధ్వంసం.. కారణం?
‘ఉస్తాద్ భగత్ సింగ్’ నుండీ మరో గ్లింప్స్ వచ్చేసింది.. ఎలా ఉందంటే?
