Prithviraj Sukumaran : మహేష్ – రాజమౌళి సినిమా గురించి ఇంట్రెస్టింగ్ అప్డేట్..!

‘ఆర్.ఆర్.ఆర్’ (RRR) తర్వాత రాజమౌళి (S. S. Rajamouli)మహేష్ బాబుతో (Mahesh Babu) సినిమా చేయబోతున్నట్లు ప్రకటించి ఇప్పటికే 3 ఏళ్ళు పూర్తి కావస్తోంది. కానీ ఈ సినిమా గురించి అధికారికంగా ఇంకా ప్రకటన చేసింది లేదు. అనేక వేడుకల్లో రాజమౌళి ఈ ప్రాజెక్టు గురించి స్పందించడం, అలాగే విజయేంద్రప్రసాద్ ఈ సినిమా స్టోరీ లైన్ రివీల్ చేయడం, మహేష్ బాబు లుక్ కోసం జిమ్లో కసరత్తులు చేయడం వంటివి అభిమానుల్లో ఆసక్తిని పెంచాయి అని చెప్పొచ్చు.

ఆగస్టులో మహేష్ బాబు పుట్టినరోజు ఉంది. అప్పటికి అధికారిక ప్రకటన ఇచ్చే ఛాన్స్ ఉంది. ‘శ్రీ దుర్గా ఆర్ట్స్’ బ్యానర్ పై కె.ఎల్.నారాయణ్ (K.L.Narayana) ఈ చిత్రాన్ని రూ.1000 కోట్ల భారీ బడ్జెట్ తో నిర్మించబోతున్నారు. ఇదిలా ఉండగా.. ఈ సినిమాకి సంబంధించి ఓ ఆసక్తికర వార్త గత 2 రోజుల నుండి చర్చల్లో నిలిచింది. అదేంటి అంటే.. మహేష్- రాజమౌళి సినిమాలో విలన్ గా మలయాళ స్టార్ హీరో పృథ్వీరాజ్ సుకుమార్ (Prithviraj Sukumaran) నటిస్తున్నారని 2 రోజుల నుండి చర్చలు జరుగుతున్నాయి.

అయితే ఇన్సైడ్ టాక్ కొంచెం వేరుగా ఉంది. పృథ్వీరాజ్ సుకుమార్ ఈ ప్రాజెక్టులో ఎంపికైన మాట వాస్తవమే.. కానీ అది విలన్ రోల్ కి కాదట. కానీ సినిమాలో చాలా ముఖ్యమైన పాత్ర కోసం పృథ్వీరాజ్ ని ఎంపిక చేసుకున్నట్టు తెలుస్తుంది. ‘సలార్ 2’ (Salaar 2) షూటింగ్ ఫినిష్ చేయగానే ఈ చిత్రం కోసం పృథ్వీ రాజ్ తన లుక్ ను మార్చుకునే విధంగా ప్లాన్ చేసుకుంటున్నారని సమాచారం.