మూడు పదుల వయస్సులో కూడా స్టార్ హీరోయిన్ సమంత వరుసగా సినిమా ఆఫర్లను అందిపుచ్చుకుంటున్నారు. గతేడాది సమంత చేసిన విడాకుల ప్రకటన గురించి నెట్టింట జోరుగా చర్చ జరిగింది. అయితే విడాకుల ప్రకటన తర్వాత కూడా సమంత వరుసగా సినిమా ఆఫర్లను అందిపుచ్చుకుంటూ వార్తల్లో నిలవడం గమనార్హం. ఈ ఏడాది సమంత నటించిన శాకుంతలం, యశోద సినిమాలు థియేటర్లలో విడుదల కానున్నాయి. గతేడాది విడుదలైన పుష్ప ది రైజ్ లో సమంత స్పెషల్ సాంగ్ చేయగా ఆ స్పెషల్ సాంగ్ తెలుగుతో పాటు ఇతర భాషల్లో రికార్డు స్థాయిలో వ్యూస్ ను సొంతం చేసుకుంది.
అయితే మరో టాలీవుడ్ హీరోయిన్ ప్రియమణి తాజాగా సమంత గురించి సంచలన వ్యాఖ్యలు చేశారు. ఊ అంటావా పాటలో సమంత హాట్ హాట్ గా కనిపించిందని ప్రియమణి తెలిపారు. తనకు మాత్రమే అలా కనిపించలేదని తన భర్తకు కూడా సమంత అలానే కనిపించిందని ప్రియమణి చెప్పుకొచ్చారు. సమంత తన సినీ కెరీర్ లో ఇలాంటి పాటలు చేసి ఉండకపోవచ్చని ప్రియమణి తెలిపారు. ఊ అంటావా ఊహూ అంటావా పాటను చాలామంది డౌన్ లోడ్ చేసుకున్నారని ప్రియమణి కామెంట్లు చేశారు.
ఊ అంటావా సాంగ్ నంబర్ వన్ సాంగ్ గా నిలిచిందని ప్రియమణి అన్నారు. పుష్ప సినిమాకు ఇంత అద్భుతమైన పాటను ఇచ్చినందుకు దేవిశ్రీ ప్రసాద్ కు హ్యాట్సాఫ్ అని ప్రియమణి కామెంట్లు చేశారు. ఊ అంటావా పాటలో కొరియోగ్రఫీ కూడా చాలా అందంగా ఉందని ఆమె చెప్పుకొచ్చారు. ప్రియమణి చేసిన పాజిటివ్ కామెంట్స్ విషయంలో సమంత ఏ విధంగా స్పందిస్తారో చూడాల్సి ఉంది.
మరోవైపు ప్రియమణి భామా కలాపం అనే వెబ్ సిరీస్ లో నటించగా ఆహా ఓటీటీలో ఈ వెబ్ సిరీస్ ఫిబ్రవరి 11వ తేదీ నుంచి స్ట్రీమింగ్ కానుంది. ప్రియమణి భామాకలాపం వెబ్ సిరీస్ తో సక్సెస్ సాధిస్తారో లేదో చూడాల్సి ఉంది.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
Home