నేచురల్ స్టార్ నాని చివరిగా ‘అంటే సుందరానికి’ సినిమాతో ప్రేక్షకుల ముందుకొచ్చారు. ఈ సినిమా పెద్దగా ఆడలేదు. ప్రస్తుతం ఆయన ‘దసరా’ అనే సినిమాలో నటిస్తున్నారు. ఈ సినిమాతో భారీ హిట్ కొట్టాలని చూస్తున్నారు. హీరోగా అతడి పరిస్థితి ఇప్పుడు కాస్త ఇబ్బందికరంగా ఉన్నప్పటికీ.. నిర్మాతగా మాత్రం అతడు చాలా సంతోషంగా ఉన్నారనే చెప్పాలి. సరికొత్త కథలను నిర్మిస్తూ నిర్మాతగా హిట్స్ అందుకుంటున్నారు. ‘అ!’ అనే సినిమాతో నిర్మాతగా పరిచయమయ్యారు నాని.
ఈ సినిమా విమర్శల ప్రశంసలు అందుకుంది. కమర్షియల్ గా వర్కవుట్ కాకపోయినా.. నానికి నష్టమైతే రాలేదు. ఆ తరువాత ‘హిట్’ అనే సినిమా తీశారు నాని. ఈ సినిమా బాగానే ఆడింది. కానీ భారీ కలెక్షన్స్ అయితే రాలేదు. ఇక తన అక్కను దర్శకురాలిగా పరిచయం చేస్తూ.. నాని తీసిన ‘మీట్ క్యూట్’ను సోనీ లివ్ వాళ్లకు లాభాలకు అమ్మేశారు నాని. నిర్మాతగా నాని తొలి మూడు చిత్రాలు అతడి అభిరుచిని చాటి చెప్పాయి.
ఇప్పుడు నాని నుంచి వచ్చిన ‘హిట్ 2’ నిర్మాతగా అతడికి అతి పెద్ద సక్సెస్ ను అందించింది. ఇప్పటికే నిర్మాతగా నాని నుంచి వచ్చిన మూడు సినిమాలు ఎంత ఆదాయం తెచ్చాయో.. దాన్ని మించి ఒక్క ‘హిట్2’ రెవెన్యూ తెచ్చి పెడుతోంది. ఈ సినిమాని ఆల్రెడీ భారీ లాభాలకే అమ్మారు నాని. ఈ సినిమాకి మంచి టాక్ రావడంతో ఇతర భాషల్లో కూడా డిమాండ్ ఏర్పడింది. డబ్బింగ్ వెర్షన్ కోసం అడుగుతున్నారు.
ప్రస్తుతం ఆ పనులు చూసుకుంటున్నారు నాని. ఇతర భాషల నుంచి వచ్చేదంతా కూడా నానికి లాభాలనే చెప్పాలి. ఈ సినిమా సూపర్ హిట్ అవ్వడంతో ‘హిట్3’ సినిమాకి భారీ క్రేజ్ రావడం ఖాయం. అదే రేంజ్ లో బిజినెస్ కూడా జరుగుతుంది. అందులో హీరో కూడా నానినే కాబట్టి మరోసారి భారీ లాభాలు అందుకునే ఛాన్స్ ఉంది.
హిట్2 సినిమా రివ్యూ& రేటింగ్!
మట్టి కుస్తీ సినిమా రివ్యూ & రేటింగ్!
ఇట్లు మారేడుమిల్లి ప్రజానీకం సినిమా రివ్యూ & రేటింగ్!
డీజే టిల్లు టు మసూద ఈ ఏడాది ఎటువంటి అంచనాలు లేకుండా వచ్చి హిట్టు కొట్టిన సినిమాలు..!
Home