‘కల్కి..’ (Kalki 2898 AD) సినిమా నిన్న రిలీజ్ అయ్యింది. సూపర్ హిట్ టాక్ ను సొంతం చేసుకుంది.హీరో ప్రభాస్ (Prabhas) అభిమానులతో పాటు కామన్ ఆడియన్స్ కూడా ‘కల్కి 2898 ad ‘ అద్భుతమని, దర్శకుడు నాగ్ అశ్విన్ (Nag Ashwin) అందరినీ ఓ కొత్త ప్రపంచంలోకి తీసుకెళ్లాడని, హాలీవుడ్ సినిమాలను మరిపించాడని.. ప్రశంసిస్తున్నారు. ఈ క్రమంలో ఫస్ట్ డే కలెక్షన్స్.. రికార్డులు కొట్టాయా? అనే ఆసక్తి అందరిలోనూ ఉంది. వాస్తవానికి ‘కల్కి..’ రిలీజ్ కి 2,3 రోజుల ముందు బుకింగ్స్ చూసి తొలి రోజు ఈ సినిమా రూ.200 కోట్లు గ్రాస్ ను కొల్లగొడుతుంది అని అంతా ఆశించారు.
కానీ నిన్న వర్షాలు కురవడం, క్రికెట్ మ్యాచ్ ఉండటంతో.. ‘కల్కి’ కలెక్షన్స్ రూ.190 కోట్ల మార్క్ వద్దే ఆగిపోయాయి అని వినికిడి. సో ‘కల్కి..’ రికార్డుల గురించి సోషల్ మీడియాలో గట్టి చర్చలే జరుగుతున్నాయి. ఈ నేపథ్యంలో ‘కల్కి..’ నిర్మాతల్లో ఒకరైన స్వప్న దత్ (Swapna Dutt) ఈ విషయం పై స్పందించారు. ఆమె ట్విట్టర్ ద్వారా స్పందిస్తూ.. ” చాలా మంది ఫోన్లు చేసి మీ సినిమా రికార్డులు కొట్టిందా? అని అడుగుతున్నారు. రికార్డులు అనే పదం నాకు జోక్ గా అనిపిస్తుంటుంది.
మేము రికార్డుల కోసం సినిమా తీయలేదు. మాకు సినిమా పై ఉన్న ప్రేమతోనే ఇంత బడ్జెట్ పెట్టి సినిమా తీశాం” అంటూ రాసుకొచ్చారు. అయితే ‘కల్కి 2898 ad ‘ పై మొదట అంత ఆసక్తి లేదు. ఎందుకంటే రెండు క్లాస్ సినిమాలు తీసిన నాగ్ అశ్విన్ .. ఇంత భారీ బడ్జెట్ సినిమా హ్యాండిల్ చేయగలడా అనే అభిప్రాయాలే అందరిలో ఉన్నాయి.
దానికి తోడు ఈ సినిమాకి హైర్స్ వంటి వాటికి నిర్మాతలు చోటు ఇవ్వలేదు. ప్రమోషన్ కూడా చేయలేదు. అయినా ‘కల్కి 2898 ad ‘ మొదటి రోజు రూ.190 కోట్లు గ్రాస్ కలెక్ట్ చేయడం అంటే చిన్న విషయం కాదు. పైగా హైర్స్ అనేవి లేకపోవడం వల్ల సినిమా కలెక్షన్స్ కూడా స్టడీగా ఉండే అవకాశం ఉంటుంది.
#Kalki2898AD pic.twitter.com/85X4CYqNij
— Swapnadutt Chalasani (@SwapnaDuttCh) June 28, 2024
Home