ప్రభాస్ సినిమాకి భారీగా ఖర్చు పెడుతున్న ప్రొడ్యూసర్స్?

యంగ్ రెబల్ స్టార్ ప్రభాస్ హీరోగా ప్రస్తుతం ‘సాహో’ చిత్రం రూపొందుతుంది. దాదాపు 250 కోట్ల బడ్జెట్ తో ఈ చిత్రం రూపొందుతుంది. ఇక ఈ చిత్రం చేస్తూనే ప్రభాస్ మరో చిత్రంలో కూడా నటిస్తున్నాడు. ‘సాహో’ చిత్రాన్ని ‘రన్ రాజా రన్’ ఫేమ్ సుజీత్ డైరెక్ట్ చేస్తుండగా.. ప్రభాస్ 20 వ చిత్రాన్ని ‘జిల్’ ఫేమ్ రాధాకృష్ణ కుమార్ డైరెక్ట్ చేస్తున్నాడు. ఈ చిత్రానికి ‘జాన్’ అనే టైటిల్ పరిశీలనలో ఉంది. అయితే ‘ప్రభాస్ 20’ ను ‘గోపికృష్ణ మూవీస్’ ‘యూవీ క్రియేషన్స్’ బ్యానెర్లు కలిసి నిర్మిస్తున్నాయి. అయితే ఇది పెద్ద బడ్జెట్ చిత్రమని పెద్దగా ప్రచారం జరుగలేదు.

• ఎబిసిడి సినిమా రివ్యూ కోసం ఇక్కడ క్లిక్ చెయ్యండి
• మహర్షి సినిమా రివ్యూ కోసం ఇక్కడ క్లిక్ చెయ్యండి
• మహర్షి డైలాగ్స్ కోసం ఇక్కడ క్లిక్ చెయ్యండి
• నువ్వు తోపురావ సినిమా రివ్యూ కోసం ఇక్కడ క్లిక్ చెయ్యండి

అయితే ‘సాహో’ చిత్రం తర్వాత ప్రభాస్ కెరీర్లో భారీ బడ్జెట్ తో రూపొందుతున్న చిత్రం ఇదేనంట. తాజాగా ఈ చిత్రం కోసం 30 కోట్లు బడ్జెట్ తో హైదరాబాద్ లో ఓ సెట్ వేస్తున్నారంట. ఈ సెట్లో ప్రధాన తారాగణం పై ముఖ్య సన్నివేశాల్ని చిత్రీకరించబోతున్నారట. ముందుగా యూరప్ లోని కొన్ని అరుదైన లొకేషన్లలో ఈ సన్నివేశాల్ని తెరకెక్కించాల్సి ఉండగా… భారీగా యూనిట్ సభ్యుల్ని తరలించాల్సి వస్తుండడంతో చిత్ర యూనిట్ ఇలా ప్లాన్ చేశారట. ఇక ఈ చిత్రంలో పూజా హెగ్దే హీరోయిన్ గా నటిస్తుండగా.. అమిత్ త్రివేది సంగీతం అందిస్తున్నాడు.