ఈమధ్య వస్తున్న సినిమాల్లో హీరో లేదా హీరోయిన్ ల కంటే కమెడియన్లు ప్రేక్షకులను బాగా ఎంటర్ టైన్ చేస్తున్నారు. మొన్నామధ్య విడుదలైన “శంకరాభరణం, భలే మంచి రోజు” సినిమాలు కమర్షియల్ గా ఫ్లాపయినా సదరు సినిమాల్లో తనదైన శైలిలో కడుపుబ్బ నవ్వించగలిగాడు 30 ఇయర్స్ పృథ్వీ.
పృథ్వీ కామెడీ టైమింగ్ ను దర్శకుడు మారుతి తన తాజా చిత్రం “బాబు బంగారం” కోసం విపరీతంగా వాడేసాడని తెలుస్తోంది. పృథ్వికి ఉన్న ప్లస్ పాయింట్స్ ను ద్రుష్టిలో ఉంచుకొని, అతని కోసం సపరేట్ కామెడీ ట్రాక్ రెడీ చేసాడట మారుతి. సదరు ఎపిసోడ్స్ లో పృథ్వి నటనకు ప్రేక్షకులు కడుపు చెక్కలయ్యేలా నవ్వడం ఖాయమని చెబుతున్నారు చిత్ర బృందం.
“భలే భలే మొగాడివోయ్” లాంటి బ్లాక్ బస్టర్ హిట్ తర్వాత మారుతి దర్శకత్వంలో రూపొందుతున్న సినిమా కావడంతో “బాబు బంగారం”పై అందరికీ విపరీతమైన అంచనాలున్నాయి!
Home