మంచి సీన్లు తీసేసి…. లిప్ లాక్ మాత్రమే ఉంచారు, నిర్మాతను బతిమలాడా : పూజితా పొన్నాడ

November 28, 2020 / 04:36 PM ISTByFilmy Focus

Join Us

మంచి సీన్లు తీసేసి…. లిప్ లాక్ మాత్రమే ఉంచారు, నిర్మాతను బతిమలాడా : పూజితా పొన్నాడ

గ్లామర్ ఉంటే టాలెంట్ ఉండదు.. టాలెంట్ ఉంటే గ్లామర్ ఉండదు. ఈ రెండూ ఉంటే లక్ ఉండదు. చిత్ర పరిశ్రమలోకి అడుగుపెట్టిన ఎంతో మంది హీరోయిన్లు వీటిలో ఏదో ఒక కోవలోకి వస్తారు. ఈ లిస్ట్‌లో మూడో కేటగిరీ కిందకు వస్తుంది తెలుగమ్మాయి పూజితా పొన్నాడ. అందం అభినయం వన్నా.. సరైన బ్రేక్ అయితే రాలేదు. అరడజనకు పైగా చిత్రాలలో నటించినా అన్నీ ప్రాధాన్యం లేని పాత్రలే. జక్కా హరి ప్రసాద్ దర్శకత్వం వహించిన దర్శకుడు అనే సినిమా ద్వారా నటిగా తెలుగు చిత్ర పరిశ్రమకు పరిచయమైన పూజితకు తన తొలి చిత్రంతో సరైన ఫేమ్ దక్కలేదు. దర్శకుడుతో పెద్దగా ఆకట్టుకోలేకపోయినప్పటికీ సుకుమార్ తెరకెక్కించిన రంగస్థలం ప్రాధాన్యత వున్న పాత్రే దక్కింది. ఈ హిట్‌తో వరుస అవకాశాలు వెతుక్కుంటూ వచ్చాయి.

అన్నీ వున్నా అల్లుడి నోట్లో శని అన్నట్లు ఆఫర్లయితే వస్తున్నాయి కానీ అవి చిన్నా చితకా పాత్రలే. ఇటీవల ఓ ప్రముఖ యూట్యూబ్ ఛానల్‌కు ఇచ్చిన ఇంటర్వ్యూలో ఆమె నటించిన ‘‘ వేర్ ఇస్ ద వెంకట లక్ష్మీ’’ చిత్రం గురించి పలు ఆసక్తికర వ్యాఖ్యలు చేసింది. ఈ సినిమాలో ఓ ముద్దు సన్నివేశంలో నటించడంతో చిత్ర యూనిట్ సభ్యులు కేవలం ఆ కిస్ సీన్‌ని మాత్రమే హైలెట్ చేస్తూ చూపించారని చెప్పింది. అవసరం లేని సన్నివేశాలను ఉంచి.. తన నటనకు స్కోప్ వున్న సీన్లను ఎడిటింగ్‌లో కట్ చేశారని వాపోయింది.ఈ వ్యవహారంతో బాగా డిజప్పాయింట్ అయిన పూజిత.. దీని గురించి చిత్ర నిర్మాతను అడిగితే ఏవో సాకులు చెప్పి తప్పించుకున్నారని తెలిపింది. చేసిన కొన్ని సినిమాలకే తత్త్వం బోధపడిందో ఏమో కానీ ఈ అమ్మడు వేదాంతం మాట్లాడుతోంది.

మనం ఏదైనా సినిమాలో నటించేటప్పడు స్టోరీ, రెమ్యూనరేషన్ మాత్రమే ముఖ్యం కాదని పనిచేయబోయే చిత్ర యూనిట్ కూడా చాలా ముఖ్యమని పూజిత అభిప్రాయపడింది. ఇలాంటి టీం దొరికితే మాత్రం మళ్లీ మళ్లీ వాళ్లతో కలిసి నటించడానికి ఏ మాత్రం వెనకాడబోమని చెప్పుకొచ్చింది. ప్రస్తుతం వెబ్ సిరీస్‌ల ట్రెండ్ నడుస్తుండటంతో పూజిత ఇందులోనూ అదృష్టం పరీక్షించుకుంటోంది. ఇటీవల ‘ రన్ ’ అనే ఓ తెలుగు వెబ్ సిరీస్‌లో ప్రాధాన్యత వున్న పాత్రలో నటించింది. లక్ష్మీకాంత్ దర్శకత్వం వహించిన ఈ వెబ్ సిరీస్ ప్రస్తుతం ‘ ఆహా ’ యాప్‌లో ప్రసారమవుతోంది. ఇక కీర్తి సురేశ్ హీరోయిన్‌గా నటించిన మిస్ ఇండియా మూవీలోనూ పూజితా పొన్నాడా నటించారు.