పూరికి పవన్ డేట్స్ ఇస్తాడా..?

February 18, 2021 / 07:53 PM ISTByFilmy Focus

Join Us

పవర్ స్టార్ పవన్ కళ్యాణ్ తో గతంలో ‘గబ్బర్ సింగ్’ లాంటి భారీ బ్లాక్ బస్టర్ సినిమాను నిర్మించిన బండ్ల గణేష్ మరోసారి పవన్ తో సినిమా చేయాలని చాలా కాలంగా ఎదురుచూస్తున్నాడు. పవన్ కూడా ఈ విషయంలో సానుకూలంగా ఉన్నట్లు తెలుస్తోంది. బండ్ల గణేష్ దాదాపు మూడు, నాలుగు నెలలుగా పవన్ వెన్నంటే ఉంటున్నారు. కానీ డైరెక్టర్ ఎవరూ సెట్ కాలేక ప్రాజెక్ట్ ఆలస్యమైంది. ప్రస్తుతం టాలీవుడ్ లో ఉన్న ఏ డైరెక్టర్ కూడా ఖాళీగా లేరు.

అందరూ వరుస ప్రాజెక్ట్స్ లతో బిజీగా ఉన్నారు. దీంతో ఇప్పట్లో వీరి కాంబినేషన్ లో సినిమా ఉండదేమో అనుకున్నారు. కానీ ఇప్పుడు డైరెక్టర్ సమస్య తీరిపోయినట్లు చెబుతున్నారు. దర్శకుడు పూరి జగన్నాధ్ తో సినిమా ఉండే ఛాన్స్ ఉందని మాటలు వినిపిస్తున్నాయి. పైగా బండ్ల గణేష్ కి పూరికి మధ్య మంచి బాండింగ్ ఉంది. గతంలో వీరిద్దరూ కలిసి ‘ఇద్దరమ్మాయిలతో’, ‘టెంపర్’ వంటి సినిమాలు తీశారు. పూరికి ఖరీదైన లైటర్ ని గిఫ్ట్ గా కూడా ఇచ్చాడు బండ్ల గణేష్.

ఇప్పుడు మరోసారి వీరి కాంబోలో సినిమా వచ్చే ఛాన్స్ ఉందని చెబుతున్నారు. పవన్ కళ్యాణ్ కూడా పూరి జగన్నాధ్ కలిసి వర్క్ చేయడానికి సిద్ధంగానే ఉంటారు. కానీ ప్రస్తుతం పవన్ వరుస సినిమాలతో బిజీగా ఉన్నారు. కానీ బండ్లకి ఇచ్చిన కమిట్మెంట్ కారణంగా పవన్ సినిమా చేసే అవకాశాలు ఉన్నాయి. మరి పూరి జగన్నాధ్ తన కథతో పవన్ ని మెప్పిస్తాడేమో చూడాలి!