వర్మతో విజయ్ దేవరకొండపై ఒత్తిడి తెస్తున్న పూరి జగన్నాథ్

తెలుగు సినీ రంగంలో ప్రస్తుతం సక్సస్ రేట్, క్రేజ్ అధికంగా ఉన్న హీరోల జాబితాలో విజయ్ దేవరకొండ ముందు వరుసలో ఉన్నారు. అందుకే అతని చేతిలో ప్రస్తుతం ఐదు సినిమాలు ఉన్నాయి. టాక్సీ వాలా రిలీజ్ కి సిద్ధమవుతుండగా.. నోటా చిత్రీకరణ దశలో ఉంది. త్వరలో డియర్ కామ్రేడ్ కూడా రెగ్యులర్ షూటింగ్ జరుపుకోనుంది. మరో రెండు స్క్రిప్ట్ దశలో ఉన్నాయి. ఇలా ఫుల్ బిజీ అయిపోయారు. అతని డేట్స్ కోసం దర్శకులు, నిర్మాతలు క్యూలో ఉన్నారు. వీరిలో డైనమిక్, డాషింగ్ డైరక్టర్ పూరి జగన్నాథ్ కూడా ఉన్నారు. వరుస ప్లాప్ లతో సతమవుతున్న పూరి దర్శకత్వంలో నటించడానికి స్టార్ హీరోలు ఎవరూ ఆసక్తి చూపించడం లేదు.

ఫ్రీ గా చేస్తానని నిర్మాతలకు ఆఫర్లు ఇచ్చినా పారిపోతున్నారు. అందుకే విజయ్ దేవరకొండతో మూవీని చేసి మళ్ళీ ఫామ్లోకి రావడానికి చూస్తున్నారు. ఇందుకోసం “వాస్కోడిగామా” అనే టైటిల్ ని రిజిస్టర్ చేయించారు. అలాగే తన గురువు రామ్ గోపాల్ వర్మని విజయ్ తో మాట్లాడమని కోరారంట. అంతేకాదు విజయ్ కి ఓ స్టోరీ లైన్ కూడా వినిపించినట్టు ఫిలిం నగర్ వాసులు చెప్పారు. అందుకు విజయ్ ఇంకా ఏ నిర్ణయం తీసుకోలేదు. ఎందుకంటే అతని డేట్స్ అన్ని ఫిక్స్ అయిపోయాయి. పైగా పూరి కెరీర్ గ్రాఫ్ బాగాలేదు. అందుకే ఆలోచిస్తున్నట్టు తెలిసింది. విజయ్ నిర్ణయం కోసం పూరి ఆత్రంగా ఎదురు చూస్తున్నారు.