నేషనల్ అవార్డు విన్నర్, ఐకాన్ స్టార్ అయినటువంటి అల్లు అర్జున్ (Allu Arjun) హీరోగా సుకుమార్ (Sukumar) దర్శకత్వంలో రూపొందిన ‘పుష్ప'(ది రైజ్) 2021 చివర్లో రిలీజ్ అయ్యి బ్లాక్ బస్టర్ అయిన సంగతి తెలిసిందే. హిందీలో ఈ సినిమా పెద్ద బ్లాక్ బస్టర్ అయ్యింది. అక్కడ ఏకంగా రూ.108 కోట్ల నెట్ కలెక్షన్స్ ను సాధించింది. దీంతో ‘పుష్ప 2 ‘ (Pushpa 2: The Rule) పై భారీ అంచనాలు ఏర్పడ్డాయి. ‘పుష్ప’ పాటలు కూడా దేశవ్యాప్తంగా సంచలనం సృష్టించాయి అని చెప్పాలి.
‘శ్రీవల్లి’ ‘ఏ బిడ్డ’ ‘ఊ అంటావా’ వంటి పాటలు ఓ ఊపు ఊపేసాయి. ఇక ఆగస్టు 15 న రిలీజ్ కాబోతున్న ‘పుష్ప 2 ‘ మ్యూజిక్ ప్రమోషన్స్ కూడా మొదలు కాబోతున్నాయి. దేవి శ్రీప్రసాద్‌ (DSP) సంగీత సారథ్యంలో రూపొందుతున్న ఈ చిత్రం పాటల్లోంచి మొదటి లిరికల్ సాంగ్ కి సంబంధించి ఓ ప్రోమోని విడుదల చేశారు. ‘పుష్ప పుష్ప పుష్ప పుష్పరాజ్‌’ అంటూ సాగే ఈ టైటిల్‌ సాంగ్ మంచి హై ఇచ్చేలా ఉంది.
ఆ 19 సెకన్లు ఫైర్ అనే విధంగా ఉంది అని కూడా చెప్పొచ్చు. మే 1న ఉదయం 11:07 నిమిషాలకు కంప్లీట్ లిరికల్ సాంగ్ ను విడుదల చేస్తారట. సుకుమార్ – దేవి శ్రీ ప్రసాద్ కాంబినేషన్లో రూపొందే సినిమాలన్నీ మ్యూజికల్ హిట్సే. కాబట్టి ‘పుష్ప 2 ‘ ఆల్బమ్ పై కూడా భారీ అంచనాలు ఏర్పడ్డాయి.మొదటి సాంగ్ కనుక చార్ట్ బస్టర్ గా నిలిస్తే.. ‘పుష్ప 2 ‘ ప్రమోషన్స్ సగం విజయం సాధించినట్లే అని చెప్పాలి.
