Pushpa 2: పుష్ప 2: హైదరాబాద్ లో మొదటి షో.. ఒక రోజు ముందుగానే!

ఐకాన్ స్టార్ అల్లు అర్జున్ (Allu Arjun) నటించిన పుష్ప 2: ది రూల్ (Pushpa 2) చిత్రంపై ప్రేక్షకులలో అంచనాలు తారా స్తాయికి చేరుకున్నాయి. డిసెంబర్ 5న విడుదలకు సిద్ధమవుతున్న ఈ సినిమాకి సంబంధించిన ప్రమోషన్ కార్యక్రమాలు వేగంగా కొనసాగుతున్నాయి. ఇంతకుముందు పుష్ప మొదటి భాగం విజయవంతం కావడంతో రెండో భాగంపై అంచనాలు తారాస్థాయికి చేరాయి. ఈ నేపథ్యం లో, చిత్ర మేకర్స్ ప్రీమియర్ షోతో సినిమా విడుదలకు మరింత బజ్ క్రియేట్ చేయాలని యోచిస్తున్నట్లు సమాచారం.

Pushpa 2

తాజాగా అందుతున్న వివరాల ప్రకారం, పుష్ప 2 సినిమా డిసెంబర్ 4న హైదరాబాద్‌లోని ప్రముఖ విమల్ థియేటర్‌ లో ప్రీమియర్ షో వేయాలని మేకర్స్ నిర్ణయించినట్లు తెలుస్తోంది. ఈ ప్రీమియర్ షోతో చిత్రానికి ప్రీ రిలీజ్ హైప్ మరింతగా పెరిగే అవకాశం ఉంది. ప్రత్యేకంగా, ఈ షో కోసం చిత్రబృందం భారీ ప్లాన్ చేసిందట. పెద్ద స్క్రీన్ అనుభవంతో పాటు ఫ్యాన్స్ మరియు సెలబ్రిటీల రెస్పాన్స్ ను ముందుగానే తెలుసుకునేందుకు ఇది సహాయపడుతుందని అంటున్నారు.

ఒవర్సీస్‌లో ఇప్పటికే పుష్ప 2 అడ్వాన్స్ బుకింగ్స్ హాట్ టాపిక్‌గా మారాయి. ముఖ్యంగా యూఎస్‌లో ప్రీమియర్ షో ద్వారా భారీ రికార్డులు అందుకోవడం ఖాయమని ట్రేడ్ విశ్లేషకులు భావిస్తున్నారు. టిక్కెట్లు ముందుగానే అమ్ముడవుతుండడంతో బాక్సాఫీస్ వద్ద సినిమాకు గ్రాండ్ ఓపెనింగ్ గ్యారెంటీ అని చెప్పొచ్చు. ఇక హైదరాబాద్‌లో మొదటి షో సందర్భంగా ఏర్పాట్లు పూర్తయ్యాయని తెలుస్తోంది. ఈ ప్రత్యేక షోను ప్రముఖ విమల్ థియేటర్‌లో ప్రదర్శించనున్నారు. ఇది అల్లు అర్జున్ అభిమానులకు ఒక పెద్ద పండగ లాంటి వేడుకగా మారనుంది.