Pushpa Movie: బన్నీకి ఆ ముగ్గురు హీరోలతో సమస్యేనా?

స్టార్ హీరో అల్లు అర్జున్ నటిస్తున్న పుష్ప సినిమా షూటింగ్ ఆగష్టు నెలాఖరు నాటికి దాదాపుగా పూర్తి కానుంది. అయితే ఈ సినిమాకు రిలీజ్ డేట్ ఫిక్స్ చేయడంలో ఇబ్బందులు ఎదురవుతున్నాయని తెలుస్తోంది. దసరా, క్రిస్మస్, సంక్రాంతి సీజన్లకు మెగా హీరోల సినిమాలు రిలీజవుతున్న నేపథ్యంలో అల్లు అర్జున్ ఏ తేదీకి పుష్ప సినిమాను రిలీజ్ చేస్తారో చూడాల్సి ఉంది. భారీ బడ్జెట్ సినిమా కావడంతో ఈ సినిమాకు రిలీజ్ డేట్ ను ఫిక్స్ చేయడం సమస్యగా మారింది.

దసరా పండుగ కానుకగా రామ్ చరణ్ నటిస్తున్న ఆర్ఆర్ఆర్ మూవీ రిలీజ్ కానుంది. ఆర్ఆర్ఆర్ అక్టోబర్ 13న విడుదలైతే ఆచార్య క్రిస్మస్ కానుకగా డిసెంబర్ చివరి వారంలో విడుదలయ్యే అవకాశాలు ఉన్నాయి. పవన్ కళ్యాణ్ నటిస్తున్న రెండు సినిమాలలో ఒక సినిమా వచ్చే ఏడాది సంక్రాంతి కానుకగా రిలీజ్ కానుంది. ఈ సీజన్లలో ఏదో ఒక సీజన్ లో తన సినిమాను రిలీజ్ చేయాలని భావిస్తే బన్నీ మెగా హీరోలతో పోటీ పడాల్సి ఉంటుంది.

బాక్సాఫీస్ వద్ద మెగా హీరో సినిమాతో బన్నీ పోటీ పడితే కలెక్షన్లపై ఆ ప్రభావం పడే అవకాశం అయితే ఉంటుందని చెప్పవచ్చు. మెగా హీరోల సినిమాలకు బన్నీ సినిమాకు గ్యాప్ ఉంటే పుష్ప సినిమా భారీ కలెక్షన్లను సాధించే అవకాశాలు అయితే ఉంటాయి. పుష్ప రిలీజైన తర్వాత బన్నీ ఐకాన్ మూవీపై దృష్టి పెట్టనున్నారు. వేణు శ్రీరామ్ ఇప్పటికే ఐకాన్ స్క్రిప్ట్ పనులు పూర్తి చేయగా ఈ సినిమాలో బన్నీ అంధుడి పాత్రలో నటిస్తారని సమాచారం అందుతోంది.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్