‘పుష్ప’ షూటింగ్ ప్లాన్ ఇదే!

January 4, 2021 / 06:28 PM ISTByFilmy Focus

Join Us

అల్లు అర్జున్, సుకుమార్ కాంబినేషన్ లో ‘పుష్ప’ అనే సినిమా తెరకెక్కుతోన్న సంగతి తెలిసిందే. కొన్నిరోజుల క్రితం తూర్పు గోదావరి జిల్లాలోని మారేడుమిల్లి అడవుల్లో ఈ సినిమా షూటింగ్ మొదలుపెట్టారు. అయితే సెట్ లో వాళ్లకి కరోనా రావడంతో షూటింగ్ కి బ్రేక్ పడింది. దీంతో సుకుమార్ అండ్ టీమ్ తప్పనిసరి పరిస్థితుల్లో హైదరాబాద్ కు తిరిగొచ్చేశాడు. కొన్నిరోజుల విరామం తరువాత ఈ సిటీలోనే వేరే సన్నివేశాల చిత్రీకరణ మొదలుపెట్టారు. రెండు వారాల పాటు షూటింగ్ జరిపించారు.

కాచిగూడ, పటాన్ చెరు ప్రాంతాల్లో షూటింగ్ జరిపించారు. ఇప్పుడు ‘పుష్ప’ టీమ్ కొత్త షెడ్యూల్ ని మొదలుపెట్టబోతోంది. మళ్లీ టీమ్ మొత్తం కలిసి మారేడుమిల్లికి వెళ్లబోతున్నారు. జనవరి 7న షెడ్యూల్ మొదలవుతుందని సమాచారం. ఆరేడువారాల పాటు గ్యాప్ లేకుండా షూటింగ్ ప్లాన్ చేస్తున్నారు. యాక్షన్ ఎపిసోడ్లు, పాటలు అన్నీ ఇదే షెడ్యూల్ లో పూర్తి చేయబోతున్నారు. సగానికి పైగా షూటింగ్ ఇక్కడే పూర్తవుతుందని సమాచారం. మరోసారి అడవిలోకి వెళ్లే అవసరం లేకుండా మొత్తం పని పూర్తి చేయాలని సుకుమార్ భావిస్తున్నాడు.

ఈసారి కరోనా టెన్షన్ లేకుండా అన్ని జాగ్రత్త మధ్య.. అతి తక్కువ మంది క్రూతో షూటింగ్ చేయాలని ప్లాన్ చేసుకున్నారట. ఈ షెడ్యూల్ మధ్యలోనే విలన్ ఎంట్రీ ఉంటుందట. కొన్ని రోజుల్లో ఆ పాత్ర ఎవరు చేయబోతున్నారో క్లారిటీ రానుంది.