టాలీవుడ్ హీరో అల్లు అర్జున్ ఇటీవల తన 40వ పుట్టినరోజు వేడుకలు జరుపుకున్న సంగతి తెలిసిందే. ఈ బర్త్ డే అల్లు అర్జున్ కి చాలా స్పెషల్. ఎందుకంటే ‘పుష్ప’ సినిమాతో పాన్ ఇండియా ఇమేజ్ సంపాదించుకున్న తరువాత జరుపుకున్న పుట్టినరోజు కాబట్టి. టాలీవుడ్ సెలబ్రిటీలతో పాటు బాలీవుడ్ తారలు కూడా బన్నీకి సోషల్ మీడియా వేదికగా విషెష్ చెప్పారు. ప్రపంచవ్యాప్తంగా బన్నీ అభిమానులు ట్విట్టర్ లో బర్త్ డే విషెస్ చెబుతూనే ఉన్నారు.
ఈ సంగతి పక్కన పెడితే.. బన్నీ తన సినిమాల విషయంలో మరింత జాగ్రత్తగా వ్యవహరిస్తున్నారు. త్వరలోనే ‘పుష్ప 2’ సినిమా షూటింగ్ ను మొదలుపెట్టనున్నారు. అలానే బోయపాటి శ్రీను, కొరటాల శివ లాంటి దర్శకులతో కలిసి పని చేయనున్నారు. వీటితో పాటు ఇప్పుడు లిస్ట్ లో మరో సినిమా చేరిందని తెలుస్తోంది. గతంలో అల్లు అర్జున్-సురేందర్ రెడ్డి కాంబినేషన్ లో ‘రేసుగుర్రం’ అనే సినిమా తెరకెక్కిన సంగతి తెలిసిందే.
శృతిహాసన్ హీరోయిన్ గా నటించిన ఈ సినిమా అప్పట్లో బ్లాక్ బస్టర్ హిట్ అందుకుంది. బన్నీ నటించిన హిట్టు సినిమాల్లో ఇదొకటి. ఈ సినిమా తరువాత సురేందర్ రెడ్డితో మరో సినిమా చేయాలనుకున్నారు బన్నీ. కానీ కుదరలేదు. అయితే ఇప్పుడు వీరి కాంబో సినిమా రాబోతున్నట్లు వార్తలు వస్తున్నాయి. అల్లు కాంపౌండ్ లో సినిమా చేయడానికి ప్లాన్ చేస్తున్నాడట సురేందర్ రెడ్డి. త్వరలోనే ఈ విషయంపై అధికార ప్రకటన వస్తుందని చెబుతున్నారు.
ప్రస్తుతానికి సురేందర్ రెడ్డి ‘ఏజెంట్’ అనే సినిమాను తెరకెక్కిస్తున్నారు. ఇందులో అఖిల్ హీరోగా నటిస్తున్నాడు. అలానే పవన్ కళ్యాణ్ తో ఓ సినిమా చేయబోతున్నట్లు వార్తలొస్తున్నాయి. మరి ముందుగా ఏ సినిమాను మొదలుపెడతారో చూడాలి!
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
‘ప్రతిఘటన’ తో గోపీచంద్ తండ్రి టి.కృష్ణ దర్శకత్వం వహించిన సినిమాల లిస్ట్..!
5 ఏళ్ళ కెరీర్ లో రష్మిక మందన మిస్ చేసుకున్న సినిమాల లిస్ట్..!
