రాధిక ఆప్టే మరో పంచ్

సెక్సీ నటి రాధిక ఆప్టే ఏమి చేసినా సంచలనమే. బాలకృష్ణ సినిమాలో నటిస్తున్నప్పుడే సౌత్ ఇండియా చిత్ర పరిశ్రమలో మహిళలకు విలువ ఇవ్వరని బహిరంగంగా చెప్పింది. అప్పుడు అదో సంచలనమైన వార్త అయింది. ఆ హడావుడి ముగిసి పోగానే “అహల్య” అనే బెంగాలి షార్ట్ ఫిలింలో బోల్డ్ గా నటించి ఇండస్ట్రీ హాట్ టాపిక్ అయింది. ఈ మధ్యనే సిగరేట్ తాగుతున్న ఫోటోను తన పేస్ బుక్ లో పెట్టి సంచలనమ్ సృష్టించింది. అవకాశాలు పోతాయని, గౌరవం తగ్గిపోతుందని ఆమె తన ఒరిజినాల్టి ని దాచుకోలేదు. మనుసులోని మాటను చెప్పింది. తను చేసే పనిని చూపించింది. రాధిక ఆప్టే చేసే పనుల వల్ల ఇండస్ట్రీ లో కొందరు చెవులు కొరుకున్నా.. ఆమె అభిమానులు మాత్రం చాల హ్యాపీ గా ఫీలవుతున్నారని టాక్.

ప్రస్తుతం ఆమె తమిళ్ సూపర్ స్టార్ రజినీ కాంత్ తో కలిసి నటించిన చిత్రం “కబాలి’ విడుదలకు సిద్ధంగా ఉంది. ఈ సందర్భంగా ఏర్పాటు చేసిన ప్రెస్ మీట్ లో రాధిక ఆప్టే మాట్లాడుతూ “నేను ఇది వరకు ఎన్నో సౌత్ ఇండియా సినిమాలో నటించాను. ఆ సమయంలో దొరకని గౌరవం ఈ సినిమా షూటింగ్ టైంలో లభించింది. హీరో కి సమానంగా నన్ను చూసుకున్నారు. రజినీ సర్ తో కలిసి నటించిన క్షణాలను జీవితాంతం గుర్తుంచు కుంటాను” అని చెప్పింది. దీంతో మరోసారి సౌత్ ఇండియన్ ఫిలిం ఇండస్ట్రీ లో ఆమె హాట్ టాపిక్ గా మారింది.