Thaai Kizhavi: రజనీకాంత్‌ కోసం రాసిన పాత్రలోకి రాధిక.. ఏమైంది.. ఏమా సినిమా?

ప్రముఖ సీనియర్‌ నటి రాధిక ప్రధాన పాత్రలో రూపొందిన సినిమా ‘తాయ్‌ కిళవి’. శివకుమార్‌ మురుగేశన్‌ దర్శకత్వంలో రూపొందిన ఈ సినిమాను ఈ నెల 27న విడుదల చేస్తున్నారు. సగటు సినిమాలకు పూర్తి దూరంగా ప్రయోగాత్మక లుక్‌లో రాధిక నటించిన సినిమా ఇది. ఇప్పటికే వచ్చిన సినిమా ప్రచార చిత్రాలు మంచి హైప్‌నే తీసుకొచ్చాయి. ముఖ్యంగా రాధిక లుక్‌ సినిమాకు ప్లస్‌ అవుతోంది అనిపిస్తోంది. ఈ క్రమంలో మరో విషయం బయటకు రావడంతో సినిమా మీద ఇంకా ఆసక్తి రేగుతుంతోంది.

Thaai Kizhavi

అదే ఈ సినిమాను తొలుత రజనీకాంత్‌ కోసం రాసుకున్నారట. రజనీకాంత్‌ కోసం ప్రధాన పాత్ర సృష్టించామని, అలాంటి క్యారెక్టరులో ఆయన నటించే అవకాశం లేకపోవడంతో ఆ క్యారెక్టర్‌ను మహిళగా మార్చి తన దగ్గరకు తీసుకొచ్చారని రాధిక చెప్పుకొచ్చారు. ప్రేమ, నమ్మకం, గెలవాలనే లక్ష్యం తనను 48 ఏళ్లుగా చిత్రసీమలో నిలదొక్కుకునేలా చేసిందని రాధిక చెప్పారు. సినిమాల్లోకి రావాలంటే అదృష్టం ఉండాలని, నిలదొక్కుకోవాలంటే కృషి ఉండాలని నమ్ముతానని కూడా ఆమె చెప్పారు.

ఇక ఈ సినిమాలో మేకప్‌తో రోజూ 4 గంటల సమయం పట్టేదని చెప్పిన రాధిక.. ఈ విషయంలో తనకు కమల్‌హాసన్‌ ప్రేరణ అని తెలిపారు. తెరపై ఎప్పుడూ కథా పాత్ర మాత్రమే కనిపించాలని కమల్‌ చాలా ఏళ్ల క్రితం చెప్పిన మాటను ఇంకా మనసులో పదిలంగా దాచుకుని దానికి తగ్గట్టుగా కష్టపడి పని చేస్తున్నానని రాధిక తెలిపారు. రాధిక భర్త శరత్‌ కుమార్‌ మాట్లాడుతూ తన భార్య గెలిస్తే తానూ గెలిచినట్టేనని, తాను నటించిన ‘ఆళి’, రాధిక ‘తాయ్‌ కిళవి’ ఈ నెల 27నే విడుదలవుతున్నాయని చెబుతూ ఆనందించారు.

అన్నట్లు ఈ సినిమా నిర్మాతల్లో ప్రముఖ తమిళ కథానాయకుడు శివ కార్తికేయన్‌ కూడా ఉన్నారు. సుధాన్‌ సుందరంతో కలసి ఆయన ఈ సినిమాను నిర్మించారు. దర్శకుడు శివకుమార్‌ మురుగేశన్‌ మీద నమ్మకంతో ఈ సినిమా నిర్మాణంలో భాగస్వామి అయ్యారు శివ కార్తికేయన్‌.

ఓటీటీ ఎఫెక్ట్‌: హిట్‌ సినిమాను వెంకటేశ్‌ వదులుకుంటున్నారా?