లారెన్స్ మీద ఆయన చేసే మంచి పనుల వల్ల ఎంత మంచి అభిప్రాయం ఉన్నప్పటికీ.. ఆయన తెరకెక్కించిన తాజా చిత్రం “కాంచన 3″ని మాత్రం కొన్ని వర్గాల ప్రేక్షకులు మినహా పెద్దగా ఎవరికీ నచ్చలేదు. కానీ.. ఆశ్చర్యకరంగా ఆ సినిమా తెలుగు, తమిళ భాషల్లో కలిపి 100 కోట్ల గ్రాస్ వసూలు చేయడం విశేషం. ఇప్పుడు “కాంచన 3” చిత్రాన్ని కన్నడంలో కూడా రిలీజ్ చేసేందుకు సన్నద్ధమవుతున్న లారెన్స్.. ఈలోగా బాలీవుడ్ లో “కాంచన”ను రీమేక్ చేసే పనిలో పడ్డాడు. ప్రభుదేవా తర్వాత బాలీవుడ్ కు పయనమైన కొరియోగ్రాఫర్ టర్నడ్ డైరెక్టర్ లారెన్స్.. తన బాలీవుడ్ ఎంట్రీని మంచి గట్టిగానే ప్లాన్ చేసుకున్నాడు.
