‘బిగ్ బాస్3’ విన్నర్ రాహుల్ సిప్లిగంజ్ ఈ మధ్య ఏదో ఒకరకంగా వార్తల్లో నిలుస్తున్నాడు. హౌస్ నుండీ బయటకి వచ్చినప్పటి నుండీ మరో కంటెస్టెంట్ పునర్నవితో డేటింగ్ చేస్తున్నాడంటూ పెద్ద ఎత్తున వార్తలు హల్ చల్ చేసిన సంగతి తెలిసిందే. అయితే ‘మేము స్నేహితులం మాత్రమేనని.. మా మధ్యన అలాంటిదేమీ లేదు అని’ పునర్నవి చెప్పిన సంగతి తెలిసిందే. కానీ ఆ వార్తలు ఆగలేదనుకోండి. దీని తర్వాత.. అది కూడా ఈ మధ్యనే.. రాహుల్ పై కొందరు బీర్ బాటిల్స్ తో దాడి చేయడం కూడా సంచలనం సృష్టించింది.
ఆ వేడి ఇంకా చల్లారకముందే.. ఇప్పుడు మరోసారి వార్తల్లో నిలిచాడు రాహుల్ సిప్లిగంజ్. విషయం ఏమిటంటే.. రాజ్ తరుణ్ హీరోగా మాళవిక, హెబ్బా పటేల్ వంటి క్రేజీ భామలు హీరోయిన్లుగా.. ‘గుండెజారి గల్లంతయ్యిందే’ ఫేమ్ కొండా విజయ్ కుమార్ డైరెక్షన్లో ‘ఒరేయ్ బుజ్జిగా’ చిత్రం రూపొందిన సంగతి తెలిసిందే. ఈ చిత్రం ప్రీ రిలీజ్ ఈవెంట్ ఇటీవల కరీంనగర్ లో నిర్వహించారు. ఈ వేడుకకి సింగర్ రాహుల్ సిప్లిగంజ్ కూడా హాజరయ్యాడు. ఈ క్రమంలో ఇతనితో సెల్ఫీలు తీసుకోవడానికి అక్కడి ప్రజలు ఎగబడ్డారట. హీరో రాజ్ తరుణ్ ను కూడా కాదని రాహుల్ సెల్ఫీలు తీసుకోవడానికి ఉత్సాహం చూపించారట అక్కడి ప్రజలు. ఇలా హీరోలని మించి రాహుల్ వైరల్ అవుతుండడం విశేషం.
Most Recommended Video
యురేక సినిమా రివ్యూ & రేటింగ్!
మధ సినిమా రివ్యూ & రేటింగ్!
మన టాలీవుడ్ డైరెక్టర్స్ మరియు వారి భార్యలు..!
