తారక్ కావాలంటున్న కె.రాఘవేంద్ర రావు, రాజమౌళి

యమదొంగ సినిమాలో యంగ్ టైగర్ ఎన్టీఆర్ యముడిగా కొద్దిసేపు అలరించారు. తారక్ చెప్పిన డైలాగ్ కి చప్పట్లతో థియేటర్లు మారు మోగాయి. తన నటన, డైలాగ్ డెలివిరీతో మహా నటుడు నందమూరి తారక రామారావు ని గుర్తుకు తెచ్చారు. విశ్వ విఖ్యాత నట సార్వభౌముడి మనవడిని నిరూపించుకున్నారు. అప్పట్లో పౌరాణిక కథలకు సీనియర్ ఎన్టీఆర్ చక్కగా సూటయ్యే వారు. ఇప్పటి తరంలో తనకి  ఆ స్టామినా ఉందని జూనియర్ ఎన్టీఆర్ నిరూపించుకున్నారు.

అందుకే గురు శిష్యులు కె.రాఘవేంద్ర రావు, ఎస్.ఎస్. రాజమౌళి తమ సినిమాకు తారక్ కావాలని కోరుకుంటున్నారు. దర్శకేంద్రుడు ప్రస్తుతం కింగ్ నాగార్జునతో “ఓం నమో వెంకటేశా” అనే భక్తి రస చిత్రాన్ని తెరకెక్కిస్తున్నారు. ఈ చిత్రం తర్వాత ఓ పౌరాణిక కథతో సినిమా తీయాలని భావిస్తున్నారు. అందులో హీరోగా ఎన్టీఆర్ ని ఫిక్స్ అయిపోయారు. ఇక దర్శక ధీరుడు బాహుబలిని పూర్తి చేసే పనిలో బిజీగా ఉన్నారు. ఇది రిలీజ్ అయిన వెంటనే తన కలల ప్రాజెక్ట్ “మహా భారతం” రూపొందించాలని ఆశపడుతున్నారు. ఈ సినిమాను తారక్ లేకుండా చేయనని ఎప్పుడో స్పష్టం చేశారు. మరి యంగ్ టైగర్ ముందుగా ఎవరితో సినిమా ఓకే అంటారో కొన్ని రోజుల్లో తెలియనుంది.