ప్రపంచ సినీ జనాలు మెచ్చిన బాహుబలి చిత్రం రూపుదిద్దుకోవడం వెనుక దర్శకధీరుడు ఎస్.ఎస్.రాజమౌళి కృషి ఎంత ఉందో యంగ్ రెబల్ స్టార్ ప్రభాస్ కష్టం కూడా అంతే ఉంది. మూడేళ్లుగా ఆ సినిమా కోసం డార్లింగ్ శ్రమిస్తున్నారు. మరే సినిమాలోనే కాదు.. పబ్లిక్ కార్యక్రమాలకు హాజరవడం కూడా తగ్గించేశారు. పని పట్ల అంత నిబద్దత కలిగిన ప్రభాస్ పై అభిమానంతో జక్కన్న ఓ కానుక ఇవ్వడానికి సిద్ధమయ్యారు.
ప్రస్తుతం బాహుబలి కంక్లూజన్ ను పూర్తి చేసే పనిలో ఉన్న దర్శకధీరుడు… పోస్ట్ ప్రొడక్షన్ పనులు కూడా వేగంగా చేయిస్తున్నారు. ప్రభాస్ పుట్టిన రోజు నాటికి బాహుబలి 2 టీజర్ రెడీ కావాలని ఎడిటర్లకు ఆదేశించారని తెలిసింది. అక్టోబర్ 23 న 30 సెకన్ల టీజర్ రిలీజ్ చేసి.. యంగ్ రెబల్ స్టార్ కి కానుక ఇవ్వనున్నట్లు సమాచారం. పుట్టినరోజున జక్కన్న ఇచ్చే గిఫ్ట్ ప్రభాస్ కి మాత్రమే కాదు, అయన అభిమానులకు సైతం సంతోషాన్ని ఇస్తుంది అనడంలో ఎటువంటి సందేహం అవసరం లేదు.
