శ్రీరాముడు పై రాజమౌళి షాకింగ్ కామెంట్స్..!

ఇటీవల ‘బాహుబలి ది బిగినింగ్’ ను లండన్ లోని ‘రాయల్ ఆల్బర్ట్’ థియేటర్లో ప్రదర్శించిన సంగతి తెలిసిందే. ఎంతో ప్రఖ్యాతి పొందిన ఆ థియేటర్లో ఇప్పటివరకూ అత్యంత ప్రజాదరణ పొందిన హాలీవుడ్ చిత్రాలనే ప్రదర్శిస్తుంటారు. అలాంటిది ఓ తెలుగు సినిమాని అక్కడ ప్రదర్శించడం అంటే మాములు విషయం కాదు. నిజంగా తెలుగు సినిమాకి దక్కిన ఓ అరుదైన గౌరవం ఇది. ఇదిలా ఉండగా.. ప్రభాస్,రాజమౌళి, రానా, అనుష్క, నిర్మాత శోభు లండన్ లో హల్చల్ చేశారు. ఇక ఇదే సమయంలో.. రాజమౌళికి లండన్ లోని భారతీయుల నుంచి అలాగే మీడియా నుంచి అనేక ప్రశ్నలు ఎదురయ్యాయి. ఈ క్రమంలో రాజమౌళి… అమరేంద్ర బాహుబలి పాత్రని శ్రీరాముడితో అద్భుతంగా పోల్చి వివరణ ఇచ్చాడు.

రాజమౌళి మాట్లాడుతూ.. “అమరేంద్ర బాహుబలి పాత్రలో శ్రీరాముడి లక్షణాలు ఉంటాయి. శ్రీరాముడు, శ్రీకృష్ణుడు ఇద్దరినీ సినిమా పాత్రల పరంగా చూసుకుంటే.. శ్రీకృష్ణుడు మన కమర్షియల్ చిత్రాలకు పక్కాగా సరిపోయే పాత్ర. కానీ శ్రీరాముడి క్యారెక్టర్ మాత్రం బోరింగ్. ఓకే బ్యార్యతో ఉంటాడు.. తండ్రి మాట జవదాటడు.. ధర్మాన్ని పాటిస్తాడు.. సున్నిత మనస్కుడు. ఇవన్నీ మన కమర్షియల్ చిత్రాలకు సరిపోయే లక్షణాలు కావు. అదే శ్రీకృష్ణుడు పాత్ర అద్భుతంగా ఉంటుంది.. 20 వేల మంది గోపికలతో రొమాన్స్.. మాయ చేస్తాడు.. ఇలా శ్రీకృష్ణుడు పాత్ర చాలా గమ్మత్తుగా ఉంటుంది. కానీ శ్రీకృష్ణుడికి ఒక గుడి ఉంటే… శ్రీరాముడికి మాత్రం 50 గుళ్ళు ఉంటాయి. రాముణ్ణి మనం అంతలా ఆరాధించడానికి కారణం ఉంది.

వాల్మీకి మహర్షి గారు రామాయణం రాసినప్పుడు శ్రీరాముడి వ్యక్తిత్వాన్ని సున్నితంగా చెబుతూనే రెండు మాస్ క్యారెక్టర్స్ గురించి కూడా అద్భుతంగా చెప్పారు. వాళ్ళే లక్ష్మణుడు, అంజనేయుడు. ఆ రెండు పాత్రలు మోస్ట్ పవర్ ఫుల్. వాళ్ళిద్దరి శక్తి సామర్థ్యాలని మనం అంచనా వేయలేం.! అలాంటి మాహా పరాక్రమవాంతులే రాముడు కోసం ప్రాణం ఇచ్చేస్తారు. ఈ అంశంలోనే మనం రాముడికి కనెక్ట్ అయిపోయాం. హనుమంతుడు, లక్ష్మణుడి లక్షణాలే మనకు కూడా వచ్చాయి. శ్రీకృష్ణుడిని ఎవరన్నా ఒక మాట అంటే ఊరుకుంటామేమో కానీ.. రాముణ్ణి మాత్రం దూషిస్తే మన రక్తం మరిగిపోతుంది. అలాగే… అమరేంద్ర బాహుబలి పక్కన కట్టప్ప పాత్ర ఉండడం వల్ల.. ఆ క్యారెక్టర్ కు అందరూ ఎమోషనల్ గా కనెక్ట్ అయ్యారు” అంటూ చెప్పుకొచ్చాడు.

బర్త్ డే స్పెషల్ : ప్రభాస్ రేర్ అండ్ అన్ సీన్ పిక్స్…!
బాలీవుడ్ లో మంచి కలెక్షన్లు రాబట్టిన సౌత్ సినిమాలు..?