రాజమౌళి సినిమాల్లో ఆయన గుర్తు కచ్చితంగా పడుతుంది. అదేనండి ‘an ss rajamouli fim’. దాంతోపాటు మరొకటి కూడా ఉంటుంది… అదే ఆయన ఎంట్రీ. ఆయన తెరకెక్కించిన సినిమాల్లో ఎక్కడో దగ్గర తళుక్కున మెరుస్తారు జక్కన్న. కొన్ని సినిమాల్లో అలా వచ్చి ఇలా వెళ్లిపోతే, ఇంకొన్ని సినిమాల్లో కీలక సమయాల్లో వస్తారు. మరికొన్ని సినిమాల్లో అయితే పాటలో కాలు కదిపి సందడి చేస్తారు. తాజాగా ‘ఆర్ఆర్ఆర్’లో కూడా రాజమౌళి కనిపించబోతున్నారట.
ఇందులో కొత్తేం లేదు కానీ, అయితే ఈసారి నాలుగు స్టెప్పులేయబోతున్నారట. తారక్‌, రామ్‌చరణ్‌, ఆలియా భట్‌ తదితర ముఖ్య తారాగణంతో ఈ స్పెషల్‌ సాంగ్‌ను చిత్రీకరిస్తున్నారు. ప్రేమ్‌ రక్షిత్‌ మాస్టర్‌ దీనికి నృత్య రీతులు సమకూరుస్తున్నారు. అందులో రాజమౌళి కూడా కనిపించబోతున్నారట. ఇంకా చెప్పాలంటే ‘మగధీర’లో ఆఖరులో ‘అనగనగా..’ అంటూ ఓ పాటొస్తుంది కదా… ఇదీ అలాంటిదేనట. రాజమౌళి గతంలో ఇలా కనిపించిన సినిమాలు చూస్తే… ‘సై’లో భిక్షూ యాదవ్‌ ఇంటి ముందు నల్ల బాబు అలియాస్‌ వేణుమాధవ్‌తో మాట్లాడే సన్నివేశంలో కనిపిస్తారు.
‘మగధీర’లో పాటలో కనిపించడం గురించి ఆల్‌రెడీ చెప్పుకున్నాం. ‘బాహుబలి: ది బిగినింగ్‌’లో స్పెషల్‌ సాంగ్‌ ముందు మధుపానం వ్యాపారిగా కనిపించారు. ఇప్పుడు ‘ఆర్ఆర్ఆర్’లో మళ్లీ పాటలో కనిపించబోతున్నారన్నమాట.
Most Recommended Video
‘నారప్ప’ మూవీ నుండీ అదిరిపోయే డైలాగులు..!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
వెంకీ చేసిన ఈ 10 రీమేక్స్.. ఒరిజినల్ మూవీస్ కంటే బాగుంటాయి..!
Home