ఒకే ఒక్క ఫోటో.. అటు నందమూరి అభిమానుల్ని.. ఇటు మెగా ఫ్యాన్స్ ని రెండు రోజులుగా నిద్ర లేకుండా చేస్తోంది. ఫ్యాన్స్ కి మాత్రమే కాదు.. తెలుగు చిత్ర పరిశ్రమ మొత్తాన్ని ఆ ఫోటో సస్పెన్స్ లో పడేసింది. ఇప్పటికీ మీకే అర్ధమయ్యి ఉంటుంది. అదే రాజమౌళి తో ఎన్టీఆర్, చరణ్ కలిసి ఉన్న ఫోటో. పైగా జక్కన్న ఈ ఫోటోని షేర్ చేయడం అనేక ప్రశ్నలకు అవకాశమిచ్చింది. బాహుబలి తర్వాత రాజమౌళి చేయనున్న సినిమా కథ ఒకే అయిందా? మెగా, నందమూరి హీరోలతో మల్టీ స్టారర్ మూవీ చేయనున్నారా? అందుకు హీరోలు ఒప్పుకున్నారా? ఒప్పుకుంటే ఆ చిత్రం ఎప్పుడు మొదలుకాబోతోంది?… ఇలా అనేక ప్రశ్నలు ఫిలిం నగర్లో రెండు రోజులుగా చక్కర్లు కొడుతోంది.
ఈ ప్రశ్నలకు సమాధానం చెప్పాల్సిన రాజమోళి మాత్రం మౌనంగా ఉన్నారు. ఇక చరణ్, ఎన్టీఆర్ నోరు మెదుపుతారా? అంటే అదీ లేదు. చెర్రీ రంగస్థలం 1985 సినిమా షూటింగ్ లో బిజీగా ఉండగా.. ఎన్టీఆర్ త్రివిక్రమ్ సినిమా కోసం కసరత్తు చేస్తున్నారు. “నా మటుకు నేను మాడిపోయిన దోస తింటుంటే.. జ్యోతి లక్ష్మి డ్యాన్స్ లాగ చూపించి..చూపించకుండా .. ఫోటో పెట్టి టెన్షన్ పెట్టారు. అసలు ఏమి జరిగింది.. ఏమి జరుగుతోంది.. ఏమి జరగబోతోంది.. నాకు తెలియాలి” అని అతడు చిత్రంలో ఎం ఎస్ నారాయణ మాదిరిగా ప్రతి తెలుగు సినీ అభిమాని రాజమౌళిని అడిగేందుకు ఉన్నారు. ఆలా అడిగినా అయినా ఈ మల్టీ స్టారర్ చిక్కుముడిని జక్కన్న విప్పుతారా?
Home