రాజశేఖర్ – ప్రశాంత్ వర్మ గొడవ పై క్లారిటీ

‘పీ.ఎస్.వి. గరుడవేగ చిత్రంతో చాన్నాళ్ళ తరువాత ఒక హిట్ అందుకున్నాడు యాంగ్రీ యంగ్ మ్యాన్ డా.రాజశేఖర్. ప్రస్తుతం రాజశేఖర్ ‘కల్కీ’ అనే చిత్రంలో హీరోగా నటిస్తున్న సంగతి తెలిసిందే. నేచురల్ స్టార్ నాని నిర్మాణంలో వచ్చిన ‘అ!’ అనే చిత్రాన్ని తెరకెక్కించిన దర్శకుడు ప్రశాంత్ వర్మ దర్శకత్వంలో ‘కల్కి’ చిత్రం తెరకెక్కుతుంది. ఈ చిత్రం షూటింగ్ దాదాపు 50 శాతం పూర్తయ్యిందట. సి.కల్యాణ్, రాజశేఖర్ సంయుక్తంగా ఈ చిత్రాన్ని నిర్మిస్తున్నారు.

అయితే డైరెక్టర్ ప్రశాంత్ వర్మకు హీరో రాజశేఖర్ కు  మధ్య మనస్పర్థలు వచ్చినట్టు ఫిలింనగర్లో గుసగుసలు వినిపిస్తున్నాయి . మాటి మాటికీ.. రాజశేఖర్ డైరెక్షన్ డిపార్ట్మెంట్లో ప్రశాంత్ వర్మను ఇబ్బంది పెడుతున్నాడని చెప్పుకుంటున్నారు. ఇటీవల వీరి మధ్య విధేదాలు చోటు చేసుకోవడంతో రెండుసార్లు షూటింగ్ కూడా క్యాన్సిల్ అయ్యిందని చెప్పుకొస్తున్నారు. అయితే తాజాగా ఈ విషయం పై దర్శకుడు  ప్రశాంత్ వర్మ స్పందిస్తూ .. ఈ వార్తల్లో నిజంలేదని… రాజశేఖర్ గారు ఏ మాత్రం డైరెక్షన్ డిపార్ట్మెంట్లో జోక్యం చేసుకోవడం లేదనీ, ఒక  నిర్మాతగా అవసరమైనవి అడిగిన వెంటనే అందిస్తున్నారని చెప్పుకొచ్చాడు.