“మెగాస్టార్ “తో “సూపర్ స్టార్”

మెగా స్టార్ చిరంజీవి, సూపర్ స్టార్ రజని కాంత్. వీళ్ళిద్దరూ చిత్ర పరిశ్రమలకు రారాజులు, అభిమాన, ప్రేక్షక సంద్రానికి ఆరాధ్య దైవాలు. దాదాపుగా 80వ దశకంలో అటు తెలుగు, ఇటు తమిళ్ చిత్ర పరిశ్రమలను ఒక ఊపు ఊపిన ఈ ఇద్దరిలో చిరు కొన్ని అనివార్య కారణాల వల్ల పాలిటిక్స్ లోకి జంప్ అయ్యి, అక్కడ ఘోరపరాజయం ఎదురవడంతో మళ్లీ సినిమాల పై దృష్టి పెట్టాడు. ఇక రజని కాంత్ ఇప్పటికీ రాజకీయాలకు తాను దూరం అంటూనే వాటికి దూరంగా ఉంటున్నాడు. ఇదిలా ఉంటే తాజాగా చిరంజీవి తన 150వ సినిమాపై కాన్సెంట్రేషన్ చేస్తున్న విషయం తెలిసిందే. ఇక తమిళ సినిమా కత్తిని రీమేక్ చేసే ప్రోసెస్ లో ఉన్నట్లు సైతం తెలిసిందే. అయితే ఆ సినిమా విషయం, ఎంతవరకూ వచ్చిందో తెలీదు కానీ, ఇప్పుడు అదే సినిమా గురించి ఒక ఆసక్తికర వ్యాఖ్య అటు తమిళ పరిశ్రమలోనూ, ఇటు తెలుగు పరిశ్రమలోనూ హల్‌చల్ చేస్తుంది.

ఇంతకీ ఆ వార్త ఏంటంటే….ఇటీవలే చిరంజీవిని కలిసిన రజనీకాంత్ చిరు 150వ సినిమా విషయం గురించి అడిగి తెలుసుకుని, తనకు బాగా నచ్చడంతో స్వయంగా మాటల సందర్భంలో తానంతట తానే మీ 150వ సినిమాలో నటిస్తానని అడిగాడట. రజని అలా అనేసారికి ఆనందం ఆపుకోలేని చిరు ఓకే చెప్పినట్లు సైతం వార్తలు వస్తున్నాయి. అయినా….స్వయంగా సూపర్ స్టారే అడిగితే మెగాస్టార్ కాదంటాడా. ఏది ఏమైనా చిరు, రజని ఒకే తెరపై కనిపిస్తే మాత్రం తెలుగు, తమిళ ప్రేక్షకులకు పండగ అన్న మాటే.