సెప్టెంబర్ 30 న కన్నడంలో విడుదలైన ‘కాంతారా’ చిత్రం బ్లాక్ బస్టర్ టాక్ ను సొంతం చేసుకుని.. రికార్డు కలెక్షన్లు రాబట్టిన సంగతి తెలిసిందే. ‘కె.జి.ఎఫ్'(సిరీస్) నిర్మాతలైన ‘హోంబలే ఫిలింస్ వారు ఈ చిత్రాన్ని నిర్మించడంతో ఈ విషయం దేశవ్యాప్తంగా హాట్ టాపిక్ అయ్యింది.దీంతో ఈ చిత్రాన్ని అక్టోబర్ 15న తెలుగుతో సహా హిందీ వంటి భాషల్లో రిలీజ్ అయ్యింది. ముందు నుండి నెలకొన్న హైప్ కారణంగా ఈ మూవీ పాజిటివ్ రివ్యూలను సంపాదించుకుని మిగిలిన చోట్ల కూడా రికార్డు కలెక్షన్లు రాబడుతోంది.
కేవలం రూ.16 కోట్ల బడ్జెట్ తో నిర్మితమైన ఈ మూవీ రూ.200 కోట్ల గ్రాస్ కలెక్షన్ల దిశగా దూసుకుపోతుంది. రిషబ్ శెట్టి ఈ చిత్రంలో హీరోగా నటించడమే కాకుండా… ఈ చిత్రానికి దర్శకత్వం కూడా వహించాడు. భూత కోలా ఎపిసోడ్స్ అలాగే యాక్షన్ సీక్వెన్స్ లు, బ్యాక్ గ్రౌండ్ స్కోర్ అద్భుతంగా వచ్చాయి. వాటి కోసమైనా మరీ ముఖ్యంగా క్లైమాక్స్ కోసమైనా ఈ మూవీని థియేటర్లో కచ్చితంగా చూడాల్సిన సినిమాగా క్రిటిక్స్ ప్రశంసలు కురిపించారు.
ఇక ప్రభాస్ వంటి పాన్ ఇండియా స్టార్ హీరోలు ఈ సినిమా పై ప్రశంసలు కురిపిస్తున్న సంగతి తెలిసిందే. తాజాగా ఈ చిత్రాన్ని వీక్షించిన సూపర్ స్టార్ రజినీకాంత్ కూడా ‘కాంతారా’ పై తన అభిప్రాయాన్ని తెలియజేశారు. ట్విట్టర్ ద్వారా ‘కాంతారా’ సినిమా పై రజినీ స్పందిస్తూ.. ” తెలిసిన విషయాల కంటే.. తెలియని విషయాలే ఎక్కువగా ఉంటాయి. అలాంటి విషయాలను హోంబలే ఫిల్మ్స్ వారు ‘కాంతారా’ సినిమాలో చాలా గొప్పగా చెప్పారు.
‘కాంతారా’ సినిమా చూస్తున్నంత సేపు రోమాలు నిక్కపొడిచాయి. రచయితగా, నటుడిగా, దర్శకుడిగా వ్యవహరించిన రిషబ్ శెట్టి కి హ్యాట్సాఫ్.! ఇండియన్ సినిమాలో మాస్టర్ పీస్‌ లాంటి సినిమాను అందించినందుకు టీమ్ అందరికీ కంగ్రాట్స్” అంటూ ప్రశంసలు కురిపించారు రజిని..!
Most Recommended Video
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
Home