పవన్ కళ్యాణ్ సరసన నటించే అవకాశాన్ని వదులుకున్న రకుల్ ప్రీత్ సింగ్

నాన్నకు ప్రేమతో, సరైనోడు, ధృవ.. వంటి సూపర్ హిట్ చిత్రాలలో నటించి టాలీవుడ్ టాప్ హీరోయిన్స్ లో ఒకరిగా ఫిట్ బ్యూటీ రకుల్ ప్రీత్ సింగ్ స్థానం సంపాదించుకున్నారు. ఇప్పుడు చేతినిండా సినిమాలతో బిజీగా ఉన్నారు. ఆమె నటించిన విన్నర్ మూవీ రిలీజ్ కావడానికి సిద్ధంగా ఉంది. సూపర్ స్టార్ మహేష్ బాబు తో కలిసి ద్వి భాషా చిత్రాన్ని చేస్తోంది. ఇది 80 శాతం కంప్లీట్ చేసుకుంది. కళ్యాణ్ కృష్ణ దర్శకత్వంలో నాగచైతన్యకు జోడీగా నటిస్తోంది. వీటితో పాటు ఆమె సైన్ చేసిన మరికొన్ని చిత్రాలు సెట్స్ మీదకు వెళ్ళడానికి సిద్ధమవుతున్నాయి. ఇలా ఆమె డైరీలో డేట్స్ అంతా బుక్ అయిపోయాయి.

ఈ సమయంలో ఆమెకు పవర్ స్టార్ పవన్ కళ్యాణ్ సరసన నటించే అవకాశం వచ్చింది. ప్రస్తుతం పవన్ కాటమరాయుడు మూవీ కంప్లీట్ చేసే పనిలో బిజీగా ఉన్నారు. దీని తర్వాత మాటల మాంత్రికుడు త్రివిక్రమ్ శ్రీనివాస్ డైరక్షన్లో నటించనున్నారు. అనంతరం తమిళ డైరక్టర్ ఆర్ టీ నీసన్ తో సినిమా చేయనున్నారు. ఇందులో హీరోయిన్ గా నటించాలని నిర్మాత ఏఎం రత్నం రకుల్ ప్రీత్ సింగ్ ని కోరగా ఆమె తిరస్కరించినట్లు సమాచారం. ఆమె డైరీలో ఖాళీ లేకపోవడమే ఇందుకు కారణమని తెలుస్తోంది.

Also, do SUBSCRIBE to our YouTube channel to get latest Tollywood updates.