మురుగ మెచ్చి అవకాశమిస్తున్నాడు!

“రాజు మెచ్చిందే రంభ” అని ఊరికే అన్నారా చెప్పండి. ఇప్పుడు ఈ సామెత ఎందుకు గుర్తొచ్చిందంటే.. ఒక హీరోయిన్ ఒక్కసారి పరాజయాన్ని చవిచూసిందంటే అదే టీంలోని డైరెక్టర్, ప్రొడ్యూసర్, హీరోతో వర్క్ చేయడం అనేది జరగని పని. అలాంటిది ఒక హీరోయిన్ తో డిజాస్టర్ అందుకొన్న డైరెక్టర్ మళ్ళీ అదే హీరోయిన్ కావాలనుకోవడం మామూలు విషయం కాదు. ఇదంతా రకుల్ ప్రీత్ సింగ్ కోసం జరుగుతున్న రచ్చ. మహేష్ బాబుతో “స్పైడర్”చిత్రాన్ని తెరకెక్కించి ఫ్లాప్ చవిచూసిన మురుగదాస్ తన తదుపరి చిత్రం కోసం విజయ్ కి ఒక కథ చెప్పడం అది జనవరి నుంచి సెట్స్ కు వెళ్ళేందుకు ప్లానింగ్ చేయబడడం అన్నీ చక చకా జరిగిపోయాయి.

సినిమాటోగ్రాఫర్, మ్యూజిక్ డైరెక్టర్ మరియు ఇతర టెక్నీషియన్స్ ఎవరనేది చాలా తొందరగా ఫిక్సయిపోగా హీరోయిన్ ఎవరు అనే విషయంలో మాత్రం ఇంకా క్లారిటీ రాలేదు. ప్రస్తుతం మహేష్ బాబుతో నటిస్తున్న కైరా దత్ పేరు కాస్త గట్టిగా వినిపిస్తున్నప్పటికీ.. విజయ్ తెలుగు మార్కెట్ మీద కూడా దృష్టి సారిస్తుండడంతో రకుల్ అయితే తమిళంతోపాటు తెలుగు మార్కెట్ కూడా కలిసొచ్చే అవకాశాలు పుష్కలంగా ఉండడం, అలాగే రకుల్ గ్లామర్ విషయంలో ఎక్కడా మొహమాటపడకపోవడం అనేది కూడా దృష్టిలో పెట్టుకొని మురగదాస్ ఈ నిర్ణయం తీసుకొన్నాడేమోనని చెన్నై వర్గాల సమాచారం.