అదరహో .. రకుల్ వీణ స్టెప్పు

మెగాస్టార్ చిరంజీవి స్టెప్పులంటే ఇష్టపడని వారుండరు. ఇంద్ర సినిమాలో వీణ స్టెప్పు ఒక సంచలనం. మైఖేల్ జాక్సన్ అనగానే మూన్ వాక్ గురించి ఎలా మాట్లాడుకుంటామో.. చిరు డాన్స్ ప్రస్తావన వచ్చేసరికి దాయి దాయి దామ్మ పాట గుర్తుకు రావాల్సిందే. అందులో వీణ స్టెప్పు ఎప్పటికి ఎవర్ గ్రీన్. అటువంటి స్టెప్పు ను ఓ అందాల భామ వేస్తే..

చూసేందుకు రెండు కళ్లు సరిపోవు. ఫిలిం ఫేర్ అవార్డ్ – 2016 కార్యక్రమానికి హాజరైన వారు ఇదే అనుభూతిని పొందారు. ఆదివారం జరిగిన ఈ వేడుకలో ఫిట్ నెస్ బ్యూటీ రకుల్ ప్రీతీ సింగ్ తన డాన్స్ ప్రతిభతో అదరగొట్టింది. రకుల్ 15 నిముషాల నాన్ స్టాప్ ప్రదర్శనలో బ్రూస్లీ లోని మెగా మీటర్ పాటకు డాన్స్ చేస్తూ వీణ స్టెప్పును వేసింది.

మంచి టైమింగ్ తో రిథమ్ కి తగినట్లుగా సునాయాసంగా ఆమె స్టెప్పు వేస్తుంటే .. చిరంజీవితో సహా అందరూ చప్పట్లు కొట్టకుండా ఉండలేక పోయారంటా. మెగా మీటర్ ను అందుకునే మేటర్ ఉంది కాబట్టే ఈ సుందరి రామ్ చరణ్ సరసన రెండో సారి అవకాశం కొట్టేసింది.