“అరవింద సమేత”పై ప్రసంశలు గుప్పించిన రామ్ చరణ్ తేజ్

మాటల మాంత్రికుడు త్రివిక్రమ్ శ్రీనివాస్ ఎంతో కసిగా.. యంగ్ టైగర్ ఎన్టీఆర్ ఎంతో శ్రద్ధగా చేసిన మూవీ “అరవింద సమేత వీర రాఘవ”. గత గురువారం రిలీజ్ అయిన ఈ చిత్రం మాస్, క్లాస్ అని తేడా లేకుండా అందరినీ విశేషంగా ఆకట్టుకుంటోంది. ఫ్యాక్షన్ సినిమాల్లోనే క్లాసిక్ మూవీగా పేరు తెచ్చుకున్న ఈ చిత్రం తొలి వీకెండ్ లోనే వందకోట్ల క్లబ్ లో చేరి కలక్షన్ల వర్షం కురిపిస్తోంది. ఈ సినిమాని తొలిరోజే చూసి రాజమౌళి, అఖిల్, నితిన్, రాశీఖన్నా, సాయిధరమ్ తేజ్ తదితరులు అభినందనలు కురిపించారు. విదేశాల్లో షూటింగ్ లో ఉన్న రామ్ చరణ్ తేజ్ రీసెంట్ గా ఈ సినిమాని చూసి తన అభిప్రాయాన్ని సోషల్ మీడియా వేదికగా వెల్లడించారు.

“అరవిందలో ఎన్టీఆర్ తన కెరీర్ లోనే అత్యుత్తమ నటనను ప్రదర్శించారు. బోల్డ్ స్టోరీ, అద్భుత దర్శకత్వం, మంచి డైలాగులతో త్రివిక్రమ్ శ్రీనివాస్ మెప్పించారు. జగపతి బాబు నటన, థమన్ సంగీతం సినిమాను మరో మెట్టు ఎక్కించాయి. పూజా హెగ్డే నటనను నేను ఆసాంతం ఆస్వాదించాను” అని ప్రశంసలు గుప్పించారు. అలాగే ఇంతటి విజయాన్ని అందుకున్న చిత్ర బృందానికి అభినందనలు తెలిపారు. బోయపాటి సినిమా తర్వాత రాజమౌళి దర్శకత్వంలో ఎన్టీఆర్ తో కలిసి రామ్ చరణ్ మల్టీస్టారర్ మూవీ చేయనున్నారు. ఇద్దరు పోటీపడి నటించనున్న ఈ సినిమాపై అంచనాలు భారీ స్థాయిలో ఉన్నాయి.