ఈ ఏడాది ‘సాహో’ చిత్రంతో సందడి చేసిన ప్రభాస్.. తన 20 వ సినిమాని ‘జిల్’ ఫేమ్ రాధాకృష్ణ కుమార్ డైరెక్షన్లో చేయబోతున్న సంగతి తెలిసిందే. ఈ చిత్రాన్ని కూడా ‘యూవి క్రియేషన్స్’ వారే నిర్మిస్తుండగా.. ‘గోపి కృష్ణ మూవీస్’ వారు సహా నిర్మాతగా వ్యవహరిస్తున్నారు. ఈ చిత్రాన్ని కూడా భారీ బడ్జెట్ తోనే నిర్మించాలని ప్లాన్ చేశారు.ఇందుకోసం విదేశాల్లోనే మళ్ళీ షూటింగ్ నిర్వహించాలి అని అనుకున్నారు. కానీ ఆ తర్వాత మనసు మార్చుకున్నట్టు తెలుస్తుంది. దీనికి కారణం మెగా పవర్ స్టార్ రాంచరణ్ అని తెలుస్తుంది.
‘యూవీ క్రియేషన్స్’ వారితోనూ అలాగే ప్రభాస్ తోనూ చరణ్ కు మంచి సాన్నిహిత్యం ఉందన్న సంగతి తెలిసిందే. ఈ చనువుతో ‘ఎక్కువ రోజులు విదేశాల్లో షూటింగ్ చేయడం కంటే ఇక్కడే సెట్స్ వేసి షూటింగ్ నిర్వహించడం బెటర్ అని’ ‘సైరా’ విషయంలో కూడా అలానే చేశామని’ చెప్పాడట. చరణ్ సలహాను సీరియస్ గా తీసుకుని ఇప్పుడు అదే పనిలో ఉన్నారట ప్రభాస్ అండ్ టీం. ఇప్పటికే హైదరాబాద్ శివారులోని ప్రాంతమైన ‘తెల్లాపూర్’ విలేజ్ సమీపంలో కొన్ని ఎకరాల స్ధలాన్ని లీజుకి తీసుకుని భారీ సెట్లు వేస్తున్నారట. ఇవి పూర్తికాగానే రెగ్యులర్ షూటింగ్ మొదలు పెట్టబోతున్నారని తెలుస్తుంది.
రూలర్ సినిమా రివ్యూ & రేటింగ్!
ప్రతిరోజూ పండగే సినిమా రివ్యూ & రేటింగ్!
