విమర్శలపై రామ్ చరణ్ మెగా పంచ్

మెగా పవర్ స్టార్ రామ్ చరణ్ తేజ్ కి కోపం వచ్చింది. సోషల్ మీడియాలో గత కొంతకాలంగా మెగా ఫ్యామిలీ పై వస్తున్న విమర్శలపై నేడు ఘాటుగా స్పందించారు. మెగా హీరోలు రీమేక్ ల పైనే ఆధార పడుతున్నారు.. అనే వారికి మెగా పంచ్ ఇచ్చారు. తాము గతిలేక రీమేక్స్ చేయడం లేదని ఎదురుదాడికి దిగారు. తమిళంలో హిట్ అయిన తని వరువన్ ని తెలుగులో ధృవ గా తెరకెక్కించారు. ఇందులో రామ్ చరణ్ సూపర్ గా నటించి విజయం అందుకున్నారు. రీ సేంట్ గా ధృవ విజయోత్సవ సభలో చెర్రీ మాట్లాడుతూ… ” అందరూ రీమేక్ లు ఎందుకు చేస్తారు .. అని అడుగుతారు.. రీమేక్ కూడా ఒక సినిమానే.

మనమంతా భారతీయులం. తమిళమా, మరాఠీయా అని కాదు.. మంచి సినిమాను మనరాష్ట్ర ప్రజలు కూడా చూడాలనే తాపత్రయంతోనే మేము రీమేక్ సినిమాలు చేస్తున్నాం. అంతేకాని కొత్త కథలు లేక కాదు.. కొత్త కథలు తీయలేక కాదు” అని వివరించారు. “నేను మాత్రమే కాదు నాన్నగారు కూడా రీమేక్ చేస్తున్నారు. పవన్ కళ్యాణ్ గారు కూడా రీమేక్ తో రాబోతున్నారు. ఎందుకు మెగా ఫ్యామిలీ రీమేక్ లు చేస్తోంది అని ఎవరైనా విమర్శించినా పట్టించుకోకండి.. మంచి సినిమాలు వస్తాయి.. చూసి ఎంజాయ్ చేయండి” అని అభిమానులకు చరణ్ సలహా ఇచ్చారు. చరణ్ నిర్మిస్తున్న మెగాస్టార్ చిరంజీవి ఖైదీ నంబర్ 150 సంక్రాంతి కానుకగా రిలీజ్ కానుంది.

Also, do SUBSCRIBE to our YouTube channel to get latest Tollywood updates.