చరణ్ డైరెక్టర్ హోప్స్ మొత్తం చిరు పైనే

యంగ్ డైరెక్టర్ సంపత్ నంది ఆరంభం అదిరిపోయింది. వరుణ్ సందేశ్ హీరోగా 2010లో వచ్చిన ఏమైంది ఈవేళ చిన్న సినిమాగా విడుదలై మంచి విజయం అందుకుంది. రొమాంటిక్ యూత్ఫుల్ ఎంటర్టైనర్ గా వచ్చిన ఆ చిత్రం సక్సెస్ కావడంతో రెండో సినిమాతోనే చరణ్ తో మూవీ చేసే అవకాశం దక్కించుకున్నాడు. చరణ్ తో ఆయన చేసిన రచ్చ మూవీ కూడా సక్సెస్ కొట్టి ఒక్కసారిగా లైమ్ లైట్ లోకి వచ్చేలా చేసింది. అదే సమయంలో మూడో సినిమా పవన్ కళ్యాణ్ తో సినిమా చేసే అవకాశం వచ్చింది. పవన్ కళ్యాణ్ స్వయంగా కథ అందించిన సర్ధార్ గబ్బర్ సింగ్ మూవీ దర్శకుడిగా సంపత్ నందిని అనుకోవడం జరిగింది.

ఆ ప్రాజెక్ట్ కోసం సంపత్ చాలా కాలం మరో ప్రాజెక్ట్ ఒప్పుకోకుండా గ్యాప్ తీసుకున్నారు. ఫార్మ్ లో ఉన్నప్పుడు వచ్చిన అవకాశాలు వదులుకొని మరీ ఎదురుచూస్తే పవన్ చివరికి హ్యాండ్ ఇచ్చాడు. కారణం ఏమిటో కానీ చివరి నిమిషంలో సంపత్ ను పక్కకు నెట్టి బాబీకి అవకాశం ఇచ్చాడు. ఆ సంఘటన సంపత్ నంది కెరీర్ కి పెద్ద దెబ్బే వేసింది. ఈ ఆ తరువాత ఆయన చేసిన బెంగాల్ టైగర్, గౌతమ్ నంద చిత్రాలు కూడా విజయం సాధించలేదు. ప్రస్తుతం సంపత్ గోపి చంద్ హీరోగా సిటీమార్ అనే స్పోర్ట్స్ డ్రామా చేస్తున్నారు.

ఐతే సంపత్ చిరంజీవి కోసం ఓ స్క్రిప్ట్ సిద్ధం చేస్తున్నారట. అది కూడా రజాకార్ల నేపథ్యంలో ఉంటుందట. స్క్రిప్ట్ పూర్తి అయిన వెంటనే చిరంజీవిని కలిసి ఆ స్క్రిప్ట్ వినిపిస్తాడట. మరి పవన్ చేతిలో దెబ్బ తిన్న ఈ యంగ్ డైరెక్టర్ కి చిరు బ్రేక్ ఇస్తాడేమో చూద్దాం.

Most Recommended Video

దిల్ రాజు రెండో పెళ్ళి చేసుకున్న అమ్మాయి ఎవరో తెలుసా?
ఈ ఏడు రీజన్స్ తెలిస్తే ఆర్ ఆర్ ఆర్ ని వదిలిపెట్టరు
అతి తక్కువ వయసులో లోకం విడిచిన తారలు