శంకర్‌తో సినిమా అంటే… అంతకుమించి అని అర్థం. కారణం కథ నుండి పాత్రల వరకు, కథనం నుండి గ్రాఫిక్స్‌ వరకు, పాత్రల శైలి నుండి పాత్రల లుక్‌ వరకు అన్నింటా తన మార్క్ వేస్తారు. ఈ క్రమంలో హీరోను రెండు రకాల పాత్రల్లో చూపించి ఒక దానికి ‘శంకర్‌ మార్క్’ అనే హిట్‌ ముద్ర వేస్తాడు. గతంలో చాలా సినిమాలు అలాంటి మార్క్ తో మంచి హిట్‌ కొట్టాయి. ఇప్పుడు రామ్‌చరణ్‌ సినిమా కోసం కూడా అలాంటి ప్లానే చేస్తున్నాడట. ఈ క్రమంలో చరణ్ అభిమానులు షాక్‌ గురయ్యేలా ఓ మార్పు చేయబోతున్నాడట.
శంకర్‌ సినిమాలు అంటే హీరో రెండు పాత్రల్లో కనిపిస్తాడు. లేదంటే హీరో పాత్రకు రెండు షేడ్స్‌ ఉంటాయట. ఇప్పుడు చరణ్‌ను తొలి విధానంలో చూపించబోతున్నాడట. ఈ సినిమాలో చరణ్ రెండు పాత్రల్లో కనిపించబోతున్నాడట. అందులో ఓ చరణ్ పాత్ర వయసు 60 ఏళ్లు ప్లస్‌ ఉంటుందట. మరో పాత్ర కుర్రాడిలా కనిపించబోతున్నాడట. త్వరలో వృద్ధుడి పాత్ర కోసం చరణ్‌కు మేకప్‌ లుక్‌ టెస్ట్‌ చేస్తారని తెలుస్తోంది. కరోనా పరిస్థితులు సద్దు మణిగాక ఈ టెస్ట్‌ ఉంటుందట.
ఇక ఈ డబుల్‌ గెటప్‌, అందులోనూ తండ్రీకొడుకుల పాత్రలు చేసిన యువ హీరోలు చూసుకుంటే… చరణ్ నాలుగోవాడు అని చెప్పాలి. ఇప్పటివరకు ప్రభాస్, ఎన్టీఆర్‌ మాత్రమే తండ్రీకొడుకులుగా కనిపించారు. ఇప్పుడు రామ్‌చరణ్‌ ఆ ఫీట్‌ చేయబోతున్నాడు. మరి చరణ్‌ను శంకర్‌ ఎలా చూపిస్తాడో తెలియాలంటే చాలా రోజులు ఆగాల్సిందే.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
