టాలీవుడ్ సినిమా ఇండస్ట్రీలో ప్రతి ఒక్కరు కూడా ఎంతో ఆసక్తిగా ఎదురుచూస్తున్న సినిమాల్లో త్రిబుల్ ఆర్ టాప్ లిస్టులో ఉంది అని చెప్పాలి. మెగా పవర్ స్టార్ రామ్ చరణ్ తేజ్ నందమూరి హీరో జూనియర్ ఎన్టీఆర్ నటించిన ఈ సినిమాపై అంచనాలు అయితే మాములుగా లేవు. అన్ని వర్గాల ప్రేక్షకులు కూడా ఈ సినిమా కోసం ఎంతో ఆతృతగా ఎదురుచూస్తున్నారు. అయితే సినిమాకి సంబంధించిన ప్రమోషన్ లో కూడా రామ్ చరణ్ తేజ్ జూనియర్ ఎన్టీఆర్ ఇద్దరు కూడా ఎంతగానో ఆకట్టుకుంటున్నారు.
ఇక చెన్నై లో నిర్వహించిన ప్రీ రిలీజ్ ఈవెంట్ లో రామ్ చరణ్ మాట్లాడిన మాటలు ఎన్టీఆర్ అభిమానులను టచ్ చేశాయి. రామ్ చరణ్ మాట్లాడుతూ.. ముందుగా మేము ఎక్కడికి వెళ్లినా కూడా మా వెంటే వస్తున్న అభిమానులకు చాలా కృతజ్ఞతలు. ముఖ్యంగా ఎన్టీఆర్ సోదరులకు అభిమానులకు థాంక్స్. ఇక నా ప్రియమైన నన్‌బా.. నాకు తారక్ కు ఒక ఏడాది మాత్రమే ఏజ్ గ్యాప్. కానీ మెంటాలిటీలో మాత్రం అతడిది చిన్న పిల్లాడి మనస్తత్వం.
పర్సనాలిటీలో మాత్రం సింహంలా ఉంటుంది. అంటే కాస్త జాగ్రత్తగా ఉండాలి. ఒక విధంగా అందరికీ థ్యాంక్స్ చెబుతాను కానీ తారక్‌కి మాత్రం అసలు చెప్పను. ఇక ఆ భగవంతుడికి థ్యాంక్స్ చెబుతాను. ఎందుకంటే నాకు ఇంత మంచి బ్రదర్‌ను ఇచ్చాడు. తారక్‌కి థ్యాంక్స్ చెబితే ఈ రిలేషన్ ఇక్కడితోనే ఆగిపోద్దా? అని అనిపిస్తుంది. ఇక నాకు, తారక్ మధ్య ఏర్పడిన ఈ స్నేహాన్ని నేను చనిపోయే వరకు నా మనసులో పెట్టుకుంటాను… అని రామ్ చరణ్ చాలా ఎమోషనల్ గా వివరణ ఇచ్చాడు.
ఇక దర్శకుడు రాజమౌళి తన జీవితంలో ఒక మర్చిపోలేని మగధీర లాంటి విజయాన్ని అంధించి నా సినీ కెరీర్ కు ఒక మంచి బాట వేశారని చెప్పాడు. ఇక సినిమా నిర్మాత డివివి.దానయ్యకు సినిమా మంచి లాభాలు తెచ్చిపెట్టాలి అంటూ తమిళ్ లో సినిమాను విడుదల చేస్తున్న వారికి కూడా సినిమా మంచి సక్సెస్ ఇవ్వాలని రామ్ చరణ్ తెలియజేశారు.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
Home