టాలీవుడ్ స్టార్ హీరో రామ్ చరణ్ (Ram Charan) సాధారణంగా రాజకీయాలకు దూరంగా ఉంటారు. పాలిటిక్స్ గురించి మాట్లాడటానికి కూడా పెద్దగా ఇష్టపడరు. అయితే జనసేన పార్టీ తరపున పవన్ (Pawan Kalyan) పిఠాపురం నుంచి పోటీ చేస్తున్న నేపథ్యంలో పవన్ కు సపోర్ట్ గా చరణ్ ట్వీట్ చేయడం నెట్టింట తెగ వైరల్ అవుతోంది. చరణ్ సపోర్ట్ తో పొలిటికల్ లెక్కలు మారతాయని మెగా ఫ్యాన్స్ పవన్ కోసం మరింత కష్టపడతారని కామెంట్లు వ్యక్తమవుతున్నాయి.
పవన్ గొప్పదనం చెబుతూ చిరంజీవి (Chiranjeevi) షేర్ చేసిన వీడియోను రామ్ చరణ్ పంచుకోవడంతో పాటు “మీ భవిష్యత్తు కోసం పాటుపడే నాయకుడు పవన్ కళ్యాణ్ గారిని గెలిపించండి” అంటూ పిలుపునిచ్చారు. మరోవైపు టాలీవుడ్ యంగ్ హీరోలు సైతం వరుసగా పవన్ కళ్యాణ్ కు మద్దతు ప్రకటిస్తూ వార్తల్లో నిలుస్తున్నారు. పవన్ ప్రజలకు మంచి చేస్తాడనే ఆలోచనతోనే వాళ్లు పవన్ కు మద్దతు ఇస్తున్నారని తెలుస్తోంది.
ఏపీలో ఎన్నికలకు ఐదురోజుల సమయం ఉండగా ఇలాంటి కీలకమైన సమయంలో హీరోల మద్దతు లభించడం వల్ల పవన్ కు మెజారిటీ సైతం పెరుగుతుందని పలువురు విశ్లేషకులు చెబుతుండటం గమనార్హం. రామ్ చరణ్ ఎన్నికల ప్రచారంలో మాత్రం పాల్గొనే అవకాశం లేదు. చరణ్ ప్రస్తుతం గేమ్ ఛేంజర్ (Game Changer) సినిమాతో బిజీగా ఉన్నారు. ఈ సినిమాపై అంచనాలు పెరుగుతున్నాయి.
గేమ్ ఛేంజర్ సినిమా మరీ ఆలస్యం అవుతుండటంపై అభిమానులు ఒకింత అసంతృప్తి వ్యక్తం చేస్తున్నారు. గేమ్ ఛేంజర్ సినిమా పాన్ ఇండియా మూవీగా ఎక్కువ సంఖ్యలో భాషల్లో విడుదల కానుండగా మెగా ఫ్యాన్స్ కు ఫుల్ మీల్స్ లా ఈ సినిమా ఉండబోతుందని కామెంట్లు వ్యక్తమవుతూ ఉండటం గమనార్హం. గేమ్ ఛేంజర్ సినిమాను వేగంగా విడుదల చేస్తే ఈ సినిమాకు మరింత ప్లస్ అవుతుందని ఫ్యాన్స్ ఫీలవుతున్నారు.
మీ భవిష్యత్తు కోసం పాటుపడే నాయకుడు పవన్ కళ్యాణ్ గారిని గెలిపించండి.
With #jsp # Andhra Pradesh election, 2024 pic.twitter.com/xiYRKgAi9t
— Ram Charan (@AlwaysRamCharan) May 7, 2024
