Ram Charna, Upasana: వైరల్ అవుతున్న రామ్ చరణ్ ఉపాసన క్యూట్ వీడియో.. ఏం జరిగిందంటే?

రామ్ చరణ్ (Ram Charan) ఉపాసన జోడీకి ప్రేక్షకుల్లో ఉన్న ఫ్యాన్ ఫాలోయింగ్ అంతాఇంతా కాదు. చరణ్ సినీ రంగంలో ఊహించని స్థాయిలో సత్తా చాటుతుండగా ఉపాసన వ్యాపార రంగంలో అంచెలంచెలుగా ఎదుగుతూ ప్రశంసలు అందుకుంటున్నారు. కెరీర్ విషయంలో అటు చరణ్, ఇటు ఉపాసన సరైన ప్లానింగ్ తో ముందుకెళ్తూ ఎంతోమందికి స్పూర్తిగా నిలుస్తుండటం గమనార్హం. అయితే చరణ్ ఉపాసనల క్యూట్ వీడియో ఒకటి నెట్టింట వైరల్ అవుతోంది. అటు రామ్ చరణ్ ఇటు ఉపాసన ఒకరికొకరు సైగల ద్వారా తమ మనస్సులోని అభిప్రాయాలను పంచుకోవడం గమనార్హం.

రామ్ చరణ్ తాజాగా వేల్స్ యూనివర్సిటీ నుంచి డాక్టరేట్ తీసుకున్న సంగతి తెలిసిందే. చెన్నైలో జరిగిన ఈ కార్యక్రమానికి చరణ్ తో పాటు ఉపాసన కూడా హాజరయ్యారు. ఈ కార్యక్రమం సమయంలో రామ్ చరణ్ స్టేజ్ పై కూర్చుని సైగల ద్వారా ఒకరికొకరు సంభాషించుకున్నారు. చరణ్, ఉపాసన ఏం మాట్లాడుకున్నారో అర్థం కాకపోయినా వాళ్లిద్దరూ ఎంత అన్యోన్యంగా ఉన్నారో వాళ్లిద్దరి మధ్య ఎంత అనుబంధం ఉందో చెప్పడానికి ఈ వీడియో నిదర్శనమని నెటిజన్లు కామెంట్లు చేస్తున్నారు.

ఎంత ప్రయత్నించినా వీడియోను డీకోడ్ చేయడం తమకు సాధ్యం కావడం లేదని నెటిజన్లు చెబుతున్నారు. చరణ్ ఉపానస కలకాలం అన్యోన్యంగా ఉండాలని ఫ్యాన్స్ కోరుకుంటున్నారు. క్లీంకార పుట్టిన తర్వాత చరణ్ ఉపాసన కెరీర్ పరంగా మరింత యాక్టివ్ అయ్యారని నెటిజన్ల నుంచి కామెంట్లు వ్యక్తమవుతున్నాయి. మరోవైపు రామ్ చరణ్ గేమ్ ఛేంజర్ (Game Changer)  సినిమాను ఈ ఏడాదే రిలీజ్ చేస్తామని హామీ ఇచ్చిన సంగతి తెలిసిందే. గేమ్ ఛేంజర్ మూవీ దిల్ రాజు (Dil Raju) బ్యానర్ లో తెరకెక్కుతుండగా దిల్ రాజు సరైన డేట్ ను ఫిక్స్ చేసి ఈ సినిమాను రిలీజ్ చేయాలని భావిస్తున్నారు.

https://twitter.com/RC_MSD_/status/1780273247893979139