‘బాహుబలి’ని పిలవండి రాజమౌళిగారు : రాంగోపాల్ వర్మ

గత ఏడాది ‘ఆర్.ఆర్.ఆర్’ కు సంబంధించి ఓ ప్రెస్ మీట్ పెట్టి.. ఆ భారీ మల్టీ స్టారర్ ను 2020 జూలై 30 న విడుదల చేస్తానని రాజమౌళి చెప్పుకొచ్చిన సంగతి తెలిసిందే. అయితే అది జరగకపోగా.. అదే రోజున(ఈరోజే) రాజమౌళి మరియు అతని కుటుంబం కరోనా భారిన పడటం అందరినీ షాక్ కు గురిచేసిందనే చెప్పాలి. వివరాల్లోకి వెళితే.. నిన్న రాజమౌళి అలాగే తన కుటుంబ సభ్యులు జ్వరం వచ్చిందని కరోనా టెస్ట్ చేయించుకుంటే.. రిపోర్ట్స్ లో కరోనా పాజిటివ్ అని తేలిందట.

ఈ విషయాన్ని స్వయంగా రాజమౌళినే తన ట్విట్టర్ ద్వారా చెప్పుకొచ్చాడు. ఇక ఈ విషయం తెలియగానే రాజమౌళి త్వరగా కోలుకోవాలని ప్రేక్షకులు కోరుకుంటూ కామెంట్లు పెడుతున్నారు. ఈ క్రమంలో రాంగోపాల్ వర్మ కూడా తనదైన శైలిలో స్పందించాడు. “రాజమౌళి సర్.. మీ సైనికుడు బాహుబలిని పిలిచి కరోనా అంతు చూడమని చెప్పండి. సరే జోకులను పక్కన పెడితే.. మీరు అలాగే మీ కుటుంబ సభ్యులు త్వరలోనే కోలుకుంటారన్న నమ్మకం నాకు ఉంది” అంటూ చెప్పుకొచ్చాడు వర్మ.

ఈ మధ్యనే ‘పవర్ స్టార్’ పేరుతో ఓ షార్ట్ మూవీని తెరకెక్కించి ఓ రేంజ్లో రచ్చ చేసిన వర్మ.. తాజాగా ‘థ్రిల్లర్’ అనే సినిమా ట్రైలర్ ను కూడా విడుదల చేసాడు.

Most Recommended Video

పవర్ స్టార్ సినిమా రివ్యూ & రేటింగ్!
ఎస్.ఎస్.రాజమౌళి సినిమాల IMDB రేటింగ్స్!
తెలుగు సినిమాల్లో నటించిన 27 బాలీవుడ్ హీరోయిన్లు ఎవరో తెలుసా?