లేట్ అయినా.. ష్యూర్ షాట్ హిట్ కొట్టాలని చూస్తున్నారు హరీశ్ శంకర్. ఇది ‘భవదీయుడు భగత్సింగ్’ సినిమా గురించే అని ప్రత్యేకంగా చెప్పక్కర్లేదు. పవన్ కల్యాణ్తో చేయాల్సిన ఈ సినిమా చాలా రోజుల క్రితమే ప్రారంభమైంది. అయితే సినిమా ఇంకా పట్టాలెక్కలేదు. కొందరైతే ఇక ఈ సినిమా లేనట్లే అని అంటున్నారు. కానీ హరీశ్ శంకర్ మాత్రం తన పనిలో తాను ఉన్నారు. ఈ క్రమంలో సినిమా మ్యూజిక్కి సంబంధించి ఓ విషయం బయటకు వచ్చింది. దానికి కారణం హరీశ్ ట్వీట్ కావడం గమనార్హం.
‘భవదీయుడు భగత్ సింగ్’కి దేవిశ్రీప్రసాద్ సంగీతమందిస్తారని ఇప్పటికే ప్రకటించారు. సినిమా పోస్టర్ మీద పేరు వేశారు. సినిమాకు సంబంధించిన ట్యూన్స్ కూడా సిద్ధం అని చెబుతున్నారు కూడా. ఈ సమయంలో త్వరలో కలుద్దాం అంటూ రమణ గోగుల, హరీశ్ శంకర్ ట్విటర్ వేదికగా మాట్లాడుకోవడం ఆసక్తికలిగించింది. పవన్ కల్యాణ్ ఫ్యాన్స్ మోస్ట్ ఫేవరెట్ సంగీత దర్శకుడు రమణ గోగుల అనడంలో ఎలాంటి సందేహం లేదు. అలాంటి హిట్లు ఇచ్చారు మరి ఆయన పవన్కి.
వారి కలయికలో వచ్చిన ‘తమ్ముడు’ సినిమా వచ్చి 23 ఏళ్లు కావడంతో ఆ సినిమాలోని ట్యూన్ రమణ గోగుల గిటార్పై ప్లే చేసి ఆ వీడియోను ట్విటర్లో పెట్టారు. దానికి దర్శకుడు హరీష్ శంకర్ రిప్లై ఇచ్చి త్వరలోనే రమణ గోగులను కలుస్తానని తెలిపారు. అలాగే రమణ గోగుల కూడా ‘వెయిట్ చేస్తున్నా’ అంటూ ట్వీట్ చేశారు. ఆ లెక్కన ‘భవదీయడు భగత్సింగ్’లో పవన్ – రమణ గోగుల కాంబినేషన్ ఉండబోతోంది అని తెలుస్తోంది.
అయితే మొత్తం సినిమాకు రమణ గోగుల సంగీతం ఇస్తారా? లేక ఒక పాట కోసమేనా అనేది తెలియాలి. రమణ గోగుల సంగీతం, గొంతుకు ఓ రకమైన ఫాలోయింగ్ ఉంది. సగటు తెలుగు పాటకు భిన్నంగా ఇంగ్లిష్ టించ్తో ఉంటుంది ఆయన మ్యూజిక్. మరిన్నాళ్ల తర్వాత పవన్తో పాట అంటే ఎలా రెచ్చిపోతారో చూడాలి. ‘భవదీయుడు భగత్ సింగ్’పై హైప్ పెంచడానికి ఆ కాంబో పక్కగా కలిసొస్తుందని చెప్పాలి.
Awesome sir …. Thanks alot for bringing back memories
I will meet soon sir @RamanaGogula https://t.co/5t55ecCIcb— Harish Shankar .S (@harish2you) July 15, 2022
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
