కో స్టార్ కాజల్ పై రానా అభిమానం!

ప్రేమ కథ చిత్రాల దర్శకుడు తేజ ముంబై బ్యూటీ కాజల్ ని “లక్ష్మి కళ్యాణం” చిత్రం ద్వారా తెలుగు తెరకు పరిచయం చేశారు. అలా మొదలైన ఆమె ప్రయాణం టాలీవుడ్ యువరాణిని చేసింది. మళ్లీ ఇన్నేళ్లకు వారి కాంబినేషన్లో చిత్రం వస్తోంది. ఈ సినిమాకి భల్లాల దేవ బలం కానున్నాడు. రాజకీయ నేపథ్యం ఉన్న ఈ కథలో రానా హీరో గా నటిస్తున్నాడు. ఈ మూవీ కి సంబంధించిన పూజా కార్యక్రమాలు దసరా రోజు జరిగాయి. అప్పుడే తొలి షాట్ ని రానా, కాజల్ పై చిత్రీకరించారు.

ఈ సమయంలో రానా బాహుబలిని గుర్తు చేసుకున్నారు.  పచ్చ బొట్టేసినట్టు పాటలో తమన్నా, ప్రభాస్ చేతులపై ఉన్న టాటూ కలిసినట్టుగా.. రానా, కాజల్ చేతికి ఉన్న బంగారు ఆభరణాలను మ్యాచింగ్ చేసి ఫోటో తీశారు. ఆ ఫోటోని ట్విట్టర్ లో పోస్ట్ చేసి “నా సూపర్ స్టార్ కో స్టార్ కాజల్ ని మీకు పరిచయం చేస్తున్నాను” అంటూ ప్రేమను కురిపించారు. ఇదే ఫోటోని కాజల్ కూడా సోషల్ మీడియాలో పోస్ట్ చేసింది. ఈ ఫోటోకి అభిమానుల నుంచి విశేష స్పందన లభించింది.  ప్రస్తుతం కరైకుడిలో షూటింగ్ జరుపుకుంటోన్న ఈ సినిమా ద్వారా హిట్ కొట్టాలని తేజ ప్రయత్నిస్తున్నారు.

Introducing to you my superstar co-star!’ @MsKajalAggarwal 👍👍to new beginnings pic.twitter.com/RnmAcG7obB

— Rana Daggubati (@RanaDaggubati) October 12, 2016

When #brainsandbrawn come together, work becomes super fun! With @RanaDaggubati #newbeginnings #karaikudi pic.twitter.com/vqnJndTdCT

— Kajal Aggarwal (@MsKajalAggarwal) October 12, 2016