వైష్ణవి ఎంటర్టైన్మెంట్స్ పతాకం పై పడాల సత్యనారాయణ నిర్మాతగా దర్శకుడు తేజ ఓ భారీ బడ్జెట్ చిత్రాన్ని తెరకెక్కించనున్నాడని ఇటీవలే వార్తలు వినిపించాయి. అయితే తాజా గా ఈ చిత్రంలో దగ్గుబాటి రానా నటించనున్నాడని ఫిల్మ్ నగర్ లో జోరుగా వార్తలు చక్కర్లు కొడుతున్నాయి.
ఇటీవలే రానాను కలిసిన తేజ.. రానాకు ఓ కథను చెప్పగా, ఇందులో నటించడానికి రానా అంగీకారం తెలిపారని భోగట్టా. అయితే ఇది గతంలో అనుకున్న చిత్రమే అని.. అది ఇప్పుడు సెట్స్ పైకి వెళుతుందని కొందరు అంటున్నారు.ఈ చిత్రంలో రానా సరసన కాజల్ అగర్వాల్ నటించనుందని సమాచారం. ప్రస్తుతం ఘాజి, బాహుబలి 2 చిత్రాల్లో రానా బిజీగా ఉండగా.. తేజ తెరకెక్కించిన లక్ష్మీ కళ్యాణం చిత్రం ద్వారా కాజల్ చిత్ర పరిశ్రమకు పరిచయం అయ్యింది.
