మంచి ఓపెనింగ్స్ ను సాధించిన ‘రణరంగం’

శర్వానంద్ హీరోగా వచ్చిన తాజా చిత్రం ‘రణరంగం’. ‘స్వామీ రారా’ ఫేమ్ సుధీర్ వర్మ డైరెక్షన్లో తెరకెక్కిన ఈ చిత్రాన్ని ‘సితారా ఎంటర్టైన్మెంట్స్’ బ్యానర్ పై సూర్య దేవర నాగవంశీ నిర్మించాడు. కళ్యాణి ప్రియదర్శన్, కాజల్ అగర్వాల్ హీరోయిన్లుగా నటించిన ఈ చిత్రం ఆగష్టు 15 న విడుదలైంది. ఈ చిత్రంలో శర్వానంద్ రెండు డిఫరెంట్ షేడ్స్ ఉన్న పాత్రలో కనిపించి మెప్పించాడు. ఇక ‘రణరంగం’ ఫస్ట్ వీకెండ్ ఏరియా వైజ్ కలెక్షన్ల వివరాలు ఈ విధంగా ఉన్నాయి :

నైజాం – 2.75 కోట్లు
సీడెడ్ – 1.23 కోట్లు
వైజాగ్ – 1.10 కోట్లు

గుంటూరు – 0.73 కోట్లు
ఈస్ట్ – 0.51 కోట్లు
వెస్ట్ – 0.47 కోట్లు

కృష్ణా – 0.55 కోట్లు
నెల్లూరు – 0.32 కోట్లు
———————————–
ఏపీ+తెలంగాణ = 7.66 కోట్లు (షేర్)
————————————-

‘రణరంగం’ చిత్రానికి 16 కోట్ల ప్రీ రిలీజ్ బిజినెస్ జరిగింది. ఫస్ట్ వీకెండ్ పూర్తయ్యేసరికి ఈ చిత్రం తెలుగు రాష్ట్రాల నుండీ 7.66 కోట్ల షేర్ ను రాబట్టింది. ఓవర్సీస్ మరియు రెస్ట్ ఆఫ్ ఇండియా కలెక్షన్లు తెలియాల్సి ఉంది. అంటే వాటితో కలిపి 9 కోట్ల వరకూ షేర్ వచ్చే అవకాశం ఉంది. లాంగ్ వీకెండ్ ను ఈ చిత్రం బాగానే క్యాష్ చేసుకుందని చెప్పాలి. వీక్ డేస్ లో కూడా ఇదే జోరు కొనసాగిస్తే.. మొదటి వారమే హిట్ స్టేటస్ సంపాదించుకునే ఛాన్స్ ఉందంటున్నారు ట్రేడ్ పండితులు.