సౌత్‌ సినిమాగా మొదలై, పాన్‌ ఇండియా సెన్సేషన్‌ అయిపోయిన చిత్రాల్లో ‘పుష్ప’ ఒకటి. అల్లు అర్జున్ – సుకుమార్‌ కలసి ఓ సినిమాగా రూపొందిద్దాం అనుకున్నారంతే. ఆ తర్వాత సినిమా రెండు పార్టులవ్వడం, వచ్చిన తొలి పార్ట్‌ అదిరిపోవడం తెలిసిందే. దీంతో రెండో పార్టు విషయంలో టీమ్‌ చాలా జాగ్రత్తలు తీసుకుంది. ఏడాదికిపైగా సమయం తీసుకొని… సినిమా కథను పూర్తి స్థాయిలో మార్పులు, చేర్పులు చేసి సిద్ధం చేసుకుంది. అయితే ఇప్పటికీ సినిమాకు యాడ్‌ ఆన్స్‌ జరుగుతున్నాయట.
సినిమాను ఇంకాస్త బెటర్‌ చూపించాలని, ఇంకాస్త బెటర్‌ తీర్చిదిద్దాలని ప్రయత్నాలు చేస్తున్నారు. ఈ క్రమంలో ‘పుష్ప’రాజ్‌ను పరిచయం చేయడానికి ఓ బాలీవుడ్‌ స్టార్‌ హీరోను తీసుకొస్తున్నారట. సినిమా ప్రారంభంలో ఓ పోలీసు అధికారిని చూపించి… అతను ‘పుష్ప’ను పరిచయం చేస్తాడు అని అంటున్నారు. ఈ పాత్ర కోసం బాలీవుడ్‌ స్టార్‌ హీరో రణ్‌వీర్‌ సింగ్‌ను సంప్రదించారు అని టాక్‌. అయితే అది బాలీవుడ్‌ వరకేనా, లేక మొత్తం అన్ని భాషలకా అనేది డౌట్‌.
‘పుష్ప’ సినిమాకు బాలీవుడ్‌లో మంచి క్రేజ్‌ వచ్చింది. ఇప్పుడు దాన్ని ఇంకా పెంచుకునే క్రమంలోనే రణ్‌వీర్‌ సింగ్‌ను తీసుకొస్తున్నారని టాక్‌. బాలీవుడ్‌లో రీసెంట్‌గా పోలీసు సినిమాలు అంటే రణ్‌వీర్‌ గుర్తొస్తున్నాడు. అందుకే ఈ పాత్ర కోసం తీసుకుంటున్నారు అని టాక్‌. అలాగే మరి మిగిలిన భాషల్లోనూ ‘పుష్ప’రాజ్‌ను పరిచయం చేయడానికి వేరే వేరే నటులను ఎంపిక చేసుకుంటారని అని కూడా అంటున్నారు. దీని కోసం అన్ని భాషల పరిశ్రమల నుండి ఒక్కో స్టార్‌ హీరోను ఎంచుకునే పనిలో ఉన్నారట.
మరోవైపు (Pushpa 2) ఈ సినిమాలో కొత్త పాత్రలు కూడా వస్తాయని సమాచారం. గిరిజన యువతి పాత్రలో సాయిపల్లవి నటిస్తోందని చాలా రోజుల నుండి చెబుతున్నారు. అయితే ఎక్కడా అధికారిక సమాచారం లేదు. ఆమెతోపాటు మరో విలన్‌ పాత్రను కూడా సినిమాలో ప్రవేశపెడుతున్నారట. ఇప్పటికే ఉన్న విలన్లతో ఈ విలన్‌ కలసి పుష్పను ఎంత ఇబ్బందిపెడతారో చూడాలి.
బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!
అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు
Home